Túrkistan oblysy Túlkibas aýdanynyń ortalyq aýrýhanasyna jomart jandardyń demeýshiligimen 10 dana ottegi konsentratory tabys etildi. Bul joly ıgi iske yqpal bolǵan "QazMunaıGaz" Ulttyq kompanııasy, dep habarlaıdy Egemen.kz
Buǵan deıin aýdan ákimdiginiń uıytqy bolýymen túlkibastyq eriktiler tarapynan ortalyq aýrýhanaǵa 360 dana arnaıy medısınalyq kıimder, 210 ottegi balony, 2 dana ottegi konsentratory tabystalǵan bolatyn. Sondaı-aq, aýdan eriktileri tarapynan medısına salasynyń qyzmetkerlerine túski astar uıymdastyrylyp keledi. Qazirgi tańda aýdandyq aýrýhanada jalpy 13 ottegi konsentratory bar. Budan bólek, bir mezette 55 naýqas ottegimen dem ala alatyn núkteler ornatylǵan.
Aýdanda pandemııa bastalǵaly qaýipti dertti juqtyrǵan 72 adam tirkelse, búginde onyń 57-si aıyǵyp shyqqan, 12 naýqas em qabyldaýda.