Túrkstan oblysy Saıram aýdanynyń ımamdary eldegi ıgi bastamany jalǵastyryp, 3,5 mln teńgege medısınalyq jabdyq alýǵa demeýshilik tanytty, dep habarlaıdy Egemen.kz
Olar naýqastyń ókpesine baryp turǵan otteginiń shamasyn anyqtaıtyn pýlsoksımetrdiń 10 danasyn, "Bobrov" ottegi konsentratynan 10 dana jáne 10 redýktor alyp berdi. Atalǵan medısınalyq jabdyqtardy Saıram aýdandyq aýrýhanasy men emhanasyna Túrkistan oblysy boıynsha bas ımam Musabek qajy Aqtamberdi tabystady. Qazir aýdan aýrýhanalarynda 41 adam COVID-19 indetimen, 394 naýqas ókpeniń qabynýyna (pnevmonııadan) qarsy em alýda.
Saıram aýdany meshitiniń ımamdary men eriktiler dertine daýa, janyna shıpa izdegen naýqastardyń ómirin saqtap qalýǵa baǵyttalǵan QMDB Zeket qory "О́mirge úmit syıla" jobasy aıasynda osylaı óz úlesterin qosty.