Keshe Nur-Sultan qalasynda Azyq-túlik qaýipsizdigi jónindegi Islam uıymy bastamasymen "Islam yntymaqtastyq uıymy jáne Azyq-túlik qaýipsizdigi jónindegi Islam uıymy memleketterinde qosymsha qun salynǵan tamaq ónimderiniń birtutas naryǵyn damytý" taqyrybynda halyqaralyq konferensııa ótti, dep jazady Egemen.kz
Qazirgi tańda álemde koronavırýs indeti órship turǵany belgili. Osy oraıda, uıymǵa múshe memleketterde de tamaq ónimderimen qamtamasyz etýdiń mańyzy erekshe ekenin mańyzdylyǵyn dáleldedi. Jıyn azyq-túlik jetkizýdiń tizbegin damytýda taǵam ónerkásibiniń rólin talqylaý maqsatynda uıymdastyryldy.
Konferensııaǵa IYU memleketteri jeke sektorynyń, odaqtarynyń, birlestikteriniń ókilderi men sarapshylar qatysty. Jıyn barysynda Qazaqstannyń Aýyl sharýashylyǵy mınıstri Saparhan Omarov, Azyq-túlik qaýipsizdigi jónindegi Islam uıymynyń Bas dırektory Erlan Baıdaýlet, Saýda, ónerkásip jáne aýyl sharýashylyǵynyń Islam palatasynyń (ICCIA) Bas hatshysy Iýsef Hasan Halavı sóz sóılep, is-shara taqyrybynyń mańyzyn tarqatyp aıtyp berdi.
Konferensııada sóz sóılegen Aýyl sharýashylyǵy mınıstri S.Omarov halyqaralyq dıalog pen yntymaqtastyqty jolǵa qoıýdaǵy Azyq-túlik qaýipsizdigi jónindegi Islam Uıymy sekildi halyqaralyq uıymdardyń róliniń mańyzyn atap ótti.
"Byltyrǵy tamyzda Saýd Arabııasy Koroldiginde ótken AQIU Bas Assambleıasynyń ekinshi otyrysynyń qorytyndysy boıynsha múshe elderdiń aýyl sharýashylyq mınıstrleri Islam tamaq ónerkásibi qaýymdastyǵyn qurý týraly sheshim qabyldady. Dál mundaı jobalar azyq-túlik saýdasy men sapa standarttaryn arttyryp, yntymaqtastyǵymyzdy nyǵaıtatyn qýatty irgetas bolatynyna senimim mol. Bul – Qazaqstan úshin de, IYU-ǵa múshe memleketter úshin de óte mańyzdy. Qaýymdastyqtyń mindeti – saýda-sattyqty keńeıtý, ıslamdyq qarjylandyrýdy tartý, aqparat almasý, baılanys ornatý, eksport pen ımportty ulǵaıtý jolymen elderimizdiń tamaq ónerkásibin odan ári damytý úshin qolaıly jaǵdaılar jasaý", deıdi S.Omarov.
Azyq-túlik qaýipsizdigi jónindegi Islam uıymynyń Bas dırektory E.Baıdaýlettiń aıtýynsha, jeke jáne memlekettik sektorlardyń tıimdi árekettesý mehanızmin jasaý maqsatynda Saýda, ónerkásip jáne aýyl sharýashylyǵynyń Islam palatasymen strategııalyq áriptestikke ornatylmaq.
"Islam memleketteriniń aýyl sharýashylyq mınıstrlikteri men bıznes arasynda ózara árekettesý qajet. IYU/AQIU memleketterinde qosylǵan quny bar tamaq ónimderiniń birtutas naryǵyn jetildirý arqyly taǵam ónerkásibin damytýymyz kerek. Bıznes qurylymdardyń arasynda ózara saýdany keńeıtý, ıslam qarjylaryn tartý, eksport pen ımportty ulǵaıtý úshin qolaıly jaǵdaılar jasaýymyz kerek. Sonymen qatar menshikti agrarlyq óndirisin belsendirý men ónimderdiń egin egýden keıingi shyǵyndaryn azaıtý maqsatynda uıymǵa múshe memleketterde azyq-túlik jetkizýdi arttyrý úshin "tabıǵı" jáne "halal" ónimderin óndirý, óńdeý men sertıfıkattaý júıesin jónge salýymyz qajet", dedi E.Baıdaýlet.
Halyqaralyq konferensııa nátıjesinde Azyq-túlik qaýipsizdigi jónindegi Islam uıymy jáne Saýda, ónerkásib jáne aýyl sharýashylyǵynyń Islam palatasy arasynda birlesken áreket týraly Josparǵa qol qoıyldy.
Aıta keterligi, Azyq-túlik qaýipsizdigi jónindegi Islam uıymy – Islam Yntymaqtastyǵy Uıymynyń mamandandyrylǵan mekemesi. Qazaqstannyń Tuńǵysh Prezıdenti – Elbasy Nursultan Nazarbaev 2011 jylǵy maýsymda ótken IYU syrtqy ister mınıstrleri Keńesiniń 38-shi sessııasynda uıym qurý týraly bastama kótergen-di. Qazirgi tańda Afrıka, Azııa, Eýropa men Ońtústik Amerıkanyń 34 memleketi Azyq-túlik qaýipsizdigi jónindegi Islam uıymynyń músheligine engen.
AQIU-nyń strategııalyq mıssııasy – múshe memleketterde áleýmettik-ekonomıkalyq damý jáne aýyl sharýashylyqpen, sonymen qatar saýda, ǵylym men tehnologııamen baılanysty ınvestısııalardy júıelik jyljytý arqyly azyq-túliktiń turaqty qaýipsizdigin qamtamasyz etý.