Bul týraly alǵashqy habar feısbýk áleýmettik jelisinde 1 saǵat buryn paıda boldy. "Soǵys ardageri, Eńbek Eri, Qazaqstanǵa Eńbegi sińgen metallýrg, ShQO Qurmetti azamaty Baqtybaev Qaırolla Baqtybaıuly ómirden ótti" delingen aqparatta. Habardy ataqty metallýrgtyń jerlesi Saǵynbek Aqanov taratty.Baqtybaev Qaırolla 20 qańtar 1925 jyly Tarbaǵataı aýdany Mańyraq aýylynda dúnıege kelgen. Keńes odaǵynyń Eńbek Eri, "Lenın", "Qyzyl Juldyz" ordenderiniń ıegeri, Respýblıkaǵa eńbegi sińgen kenshi, Shyǵys Qazaqstan oblysynyń Qurmetti azamaty. 95 jasynda ómirden ozǵan ataqty kenshiniń zerdesi eli men jurtyna degen ystyq yqylasqa toly edi. Respýblıka halqyna, kenshi áriptesterine, el bolashaǵynyń jaqsylyǵyna tileýshi Shyǵys Báıteregi sanalǵan aǵamyzdyń jany jánnatta bolsyn!