Mektepter qashyqtan oqytýǵa daıyn ba?

Depýtat ınfraqurylym qazaq­standyq oqýshylardy tolyqqandy qashyqtan oqytýmen qamtamasyz ete almaı­tynyna, sebebi pedagogterdiń barlyǵynda birdeı kompıýter men jedel ınternetke qoljetimdilik joq ekenine senimdi. Jýyrda ótken Úki­­mettiń keńeıtilgen otyrysynda Prezıdent muǵalimderdiń 20 paıyzdan astamynyń úılerinde tolyqqandy ın­ternet pen kompıýter joq bolǵan­dyqtan, qashyqtan tıimdi oqyta almady dep atap kórsetken bolatyn. Pre­zıdenttiń profıldi mınıstrlik pen ákimderge bergen tapsyrmasyna qaramastan, ınternet pen qajetti tehnıkamen jedel ári sapaly qamtamasyz etý máselesi ózgerissiz qalyp otyr, dedi Senat depýtaty Murat Baqtııaruly.

Senat depýtaty mınıstrge hatynda «Qashyqtan oqytý formatyna kóshýde ınternet pen tehnıkanyń tapshylyǵy qol baılaıdy. Muǵa­limder men oqýshylardyń bul keder­gige ótken «tótenshe» toqsanda ke­zik­kenin kórdik. Endi, aldaǵy toq­sanda taǵy aldymyzdan shyǵatyn tosqaýylǵa qalaı tótep bermekpiz? Qazir elimizdegi mektepterdiń balansynda 405 myń kompıýter bar, onyń 162 myńy (40%) ǵana jaramdy. Tek tehnıka tap­shylyǵyn joıý úshin 210 myń kompıýter kerek eken. Siz sáýir aıynda 80 myń tehnıka satyp alýdy josparlap otyr­ǵanyńyzdy aıtqan bolatynsyz. Osy tehnıkalar qazirgi kezde satyp alyndy ma, alynsa qandaı óńirlerge taratyldy? Jalpy, jańa oqý jylynda Qazaqstan mektepterinde kompıýter, taǵy da basqa oqý quraldary jetkilikti bola ma?»,  dep jazdy.

Sonymen qatar Murat Baqtııar­ulynyń aıtýynsha, qazirgi tańda Parlament depýtattary eldegi ahýal­ǵa baılanysty eldi mekenderde áleý­mettik nysandardy aralap, olarda atqarylyp jatqan qyzmetterdiń sapasymen, jurtshylyqtyń pikir­lerimen tanysýda. Osy oraıda, saı­laý­shylar tarapynan jańa oqý jylynda bilim berý máselelerine alańdaýshylyq baıqalady. Atap aıtqanda, Qyzylorda oblysynda 26 eldi mekendegi mektepterde ınternet jelisi jumys istemeıdi. Baılanys operatory aýyl­dyq jerlerdi eskirgen tehnologııalar esebinen qamtamasyz etip keledi. Sal­darynda aýyldardyń 21 paıyzy zamanaýı baılanys tehnologııasyna qol jetkize almaı otyr.

Senator Bilim jáne ǵylym mı­nıstrine «Elimizdegi oryn alyp otyr­ǵan jaǵdaıǵa baılanysty mı­nıstr­liktiń jańa oqý jylyna daıar­­lyǵy qaı deńgeıde? Shalǵaıda or­na­lasqan shaǵyn jasaqtalǵan aýyldyq mek­tepterdi qospaǵanda, barlyq mektepterde birinshi synypqa baratyn bal­dyrǵandarymyzdyń oqý prosesin qashyqtan uıymdastyrý qanshalyqty tıimdi bolmaq?», dep suraý tastady.

Depýtat bastaýysh synyptarda bilim alýdyń negizi qalanatynyn eskerip, oǵan erekshe nazar aýdardy. Sondyqtan mınıstrlikke bastaýysh synyp oqýshylarynyń alǵashqy kúnnen bastap sapaly bilim alýy úshin qatań sanıtarlyq normalardy saqtaı otyryp, ata-analardyń kelisimimen olarǵa mektep qabyrǵasynda bilim berilse degen myńdaǵan ata-ananyń usy­nysyn jetkizdi.