Elorda ákimi Altaı Kólginov qurylysy uzaqqa sozylǵan birneshe úıdiń jumysymen tanysty. Bul týraly qala ákimi Instagram paraqshasynda jazdy, dep habarlaıdy Egemen.kz.
"Búgin jumys ýaqyty bastalǵanǵa deıin qurylysy uzaqqa sozylǵan birneshe nysanda bolyp, atqarylyp jatqan jumys barysymen tanystym. "Mırnyı dom" turǵyn úı kesheni 2013 jyldan beri, al "Akerke-2" 2014 jyldan beri problemaly nysan qatarynda. Sonymen qatar "Baspana Kóktal" turǵyn úı keshenine qarasty úıdiń qurylys basynda da boldym. Bul úıdiń irgetasy 2015 jyly qalanǵan. Atalǵan turǵyn úılerdiń qurylysyna qajetti qarajat máselesi sheshilgen. Endi júzdegen qurylysshy jumys istep jatqan nysandardyń qurylysyn ýaqtyly ári sapaly aıaqtaý máselesi qaldy. Qurylys kompanııasyna osy máseleni jiti qadaǵalaý qajet. Sebebi osy úsh úıdiń ózinde myńǵa jýyq úlesker bar. Sondyqtan biz de nazarymyzdan tys qaldyrmaımyz", – dep jazdy A.Kólginov.