Almatyda provızorlyq ortalyqqa ókpesiniń 64 paıyzy qabynyp túsken 87 jastaǵy ájeı jazylyp shyqty, dep habarlaıdy Egemen.kz.
Bul týraly onlaın-brıfıng kezinde Psıhıkalyq saýyqtyrý ortalyǵynyń dırektory Sapar Rahmensheev málimdedi.Onyń aıtýynsha, Psıhıkalyq saýyqtyrý ortalyǵynyń M. Maqataev kóshesindegi fılıaly pandemııaǵa baılanysty provızorlyq ortalyqqa aınalyp jumys jasaýda. Osydan eki-úsh apta buryn munda kúnine 20-25 naýqas túsken bolsa, qazir orta eseppen 8-10 adamǵa azaıdy.«Psıhıkalyq saýyqtyrý ortalyǵynyń M. Maqataev kóshesindegi fılıaly 5 naýryzdan bastap provızorlyq ortalyqqa aınalyp, qyzmet jasap keledi. Shetelden ushyp kelgen 1800 azamattyń barlyǵy osy ortalyqta boldy. Onyń 152-nen ınfeksııa anyqtalyp, olardy juqpaly aýrýlar aýrýhanasyna aýystyrdyq. Birinshi shildeden bastap bizdiń ortalyqta 350 provızorlyq tósek jasaldy. Iаǵnı M. Maqataev kóshesindegi ortalyqta 180 tósek bolsa, Á. Kekilbaev kóshesinde - 170», – dedi spıker.