Oıyn mekemesin Almaty qalasy Áýezov aýdanynyń polısııasy birqatar nysan ákimshiliginiń karantın normalaryn saqtaýyn baqylaýǵa baǵyttalǵan reıdter kezinde "Aqsaı-1" yqsham aýdanynda anyqtaǵan. Bul týraly Polisia.kz-ke silteme jasaı otyryp Egemen.kz habarlaıdy.
– Kózge birinshi túsken nárse terezesi joq bólme, ol jeldetilmeıdi degendi bildiredi. Al osy ýaqytty kompıýterlik oıyndar oınaýmen ótkizetin adamdar úshin vırýsty juqtyryp alý qaýiptiligi joǵary. Mekeme ıesine qatysty QR ÁQbK-niń 425-baby boıynsha ákimshilik materıal jınaldy, ol óz quzyretine sáıkes keıinnen DKBTÝ-dyń aýdandyq bólimine berildi. Bul degenimiz, 230 AEK kóleminde aıyppul, qazirgi ýaqytta 638 myń teńgeden asady, – dedi Áýezov aýdandyq Polısııa basqarmasynyń basshysy Álisher Tursynbetov.
Esterińizge sala keteıik, qala jaǵdaıynda Ákimdik, SES jáne polısııa qyzmetkerleri arasynda shekteýli sharalardyń saqtalýyn qadaǵalaıtyn jáne baqylaıtyn, sondaı-aq halyqtyń sanıtarlyq-epıdemıologııalyq salaýattylyǵy salasyndaǵy zańnama talaptarynyń buzýshylyqtaryn anyqtaıtyn arnaıy mobıldi toptar bar.