Keshe Sochı-2014 qysqy Olımpııalyq oıyndarynyń alaýy jolynan aýytqyp, Qazaqstannyń Baıqońyr qalasyna bir kúnge aıaldady. Buǵan bul qalany Reseıdiń jalǵa alyp otyrǵany ǵana emes, osynda ǵarysh aılaǵynyń bolýy da sebep boldy.
Keshe Sochı-2014 qysqy Olımpııalyq oıyndarynyń alaýy jolynan aýytqyp, Qazaqstannyń Baıqońyr qalasyna bir kúnge aıaldady. Buǵan bul qalany Reseıdiń jalǵa alyp otyrǵany ǵana emes, osynda ǵarysh aılaǵynyń bolýy da sebep boldy.
Syrdarııa jaǵasyndaǵy jerdiń kindigi ispettes eldi mekenge otty shyǵyrshyq halyqaralyq ǵarysh stansasyna sapar shegetin jańa ekıpaj múshelerimen birge An-12 júk ushaǵymen jetkizildi. Sodan keıin ol 254 ushyrý alańyndaǵy «tazalyq bólmesine» aparylyp qoıyldy. Osy jerde negizgi alaýdan tutatylǵan taǵy bir tuǵyr sosyn «Soıýz TMA -11M» ushqysh korabline salynady. Onymen halyqaralyq ǵarysh stansasyna iske qosylǵan kúni jańa ekspedısııa attanady.
«Soıýz» pılotty ushaǵynyń halyqaralyq ǵarysh stansasynda jańa ekıpajben kezdesýi 7 qarashaǵa belgilengen. Ekıpajdyń quramynda Reseı ǵaryshkeri Mıhaıl Tıýrın, NASA astronavty Rıchard Mastrakkıo jáne japon ǵarysh agenttiginiń astronavty Koıtı Vakata bar.
Al Olımpıada alaýyn ashyq ǵaryshqa halyqaralyq ǵarysh stansasy bortynan qazir stansada júrgen ǵaryshkerler Oleg Kotov pen Sergeı Rıazanskıı 9 qarasha kúni alyp shyǵatyn bolady.
Damır QOJAMQUL.