Investısııalyq daýlardy retteý jónindegi halyqaralyq ortalyqtyń (IDRHO) tórelik trıbýnaly «KT Asia Investment Group B.V.» (KT Asia) kompanııasynyń talap-aryzy boıynsha Qazaqstannyń paıdasyna sheshim shyǵardy. Bul týraly dep habarlaıdy Qazaqstan jańalyqtary eldiń Ádilet mınıstrliginiń baspasóz qyzmetine silteme jasap.
Investısııalyq daýlardy retteý jónindegi halyqaralyq ortalyqtyń (IDRHO) tórelik trıbýnaly «KT Asia Investment Group B.V.» (KT Asia) kompanııasynyń talap-aryzy boıynsha Qazaqstannyń paıdasyna sheshim shyǵardy. Bul týraly dep habarlaıdy Qazaqstan jańalyqtary eldiń Ádilet mınıstrliginiń baspasóz qyzmetine silteme jasap.
«KT Asia» kompanııasy Nıderlandta tirkelgen jáne Muhtar Ábilázovtiń formaldi túrde áreket etetin jáne naqty kommersııalyq qyzmetti júzege asyrmaıtyn fırmasy bolyp tabylady. Talapker Respýblıkanyń oǵan formaldi tıesili BTA Bank AQ-ta mınorıtarly aksııalar paketin yqtımal ult menshigine alǵanyn málimdedi.
«Talaptardyń somasy 1,5 mlrd. AQSh dollary shamasynda boldy. Osy tórelik talqylaý 2009 jyly IDRHO Konvensııasy jáne Qazaqstan Respýblıkasy men Nıderland Koroldigi arasyndaǵy Investısııalardy kótermeleý jáne ózara qorǵaý týraly kelisimniń sharttary negizinde bastaldy. Qazaqstanǵa qarsy tórelik talqylaý tolyǵymen Muhtar Ábilázovpen qarjylandyryldy. Qyzmetiniń ýaqyty ishinde «KT Asia» kompanııasy BTA Bankiniń aksııalaryn jáne ákimshilik shyǵyndardy óteý úshin qarajattary bar bank shotyn ǵana ıelendi, talapkerdiń basqa aktıvteri bolmady», – delingen habarlamada.
«Qazaqstan Respýblıkasy «KT Asia» kompanııasy aktıvterdi bireýinen basqasyna ótkizý úshin qyrnaýlar retinde paıdalanylǵan Ábilázovtiń birqatar kompanııalar tobyna kirgenin pash ete aldy. Trıbýnal BTA Banktiń oǵan qarsy talap-aryzy boıynsha júzdegen kompanııalaryn tizimdeıtin aktıvterdi shekteý týraly aǵylshyn sotynyń sot sheshimi osyndaı tájirıbeniń aýqymyn kórsetetindigin belgiledi», – dep atap kórsetedi vedomstvo.
Sonymen qatar, «KT Asia» kompanııasy BTA Banktiń aksııalaryn naryq qunynan jeti ese kem baǵasyna Ábilázovke tıesili bolǵan eki satýshy-kompanııalardan alǵan qaryz esebinen satyp aldy.
Qaryz somasy jáne ol boıynsha paıyzdar tólenbeı qaldy. Onyń ornynan qaryz esepten shyǵarylyp, «KT Asia» kompanııasynyń qaryzynan arylý maqsatymen osy eki kompanııa taratyldy.
Sóıtip talqylaý sheginde Ábilázov BTA Bank aksııalarynyń 75,18 paıyzy ártúrli ıýrısdıksııalarda qurylǵan birqatar bólek kompanııalar arqyly ıelengenin málimdedi. Ár osyndaı kompanııa BTA Banktiń aksııalarynyń 10 paıyz kemisin ıelendi. Degenmen, Qazaqstan Respýblıkasynyń zańnamasyna sáıkes quzyretti organnyń jazbasha kelisimin almastan tulǵa banktiń ornalastyrylǵan aksııalarynyń on nemese odan astam prosentin tikeleı nemese janama ıelene almaıdy.
Alaıda, Ábilázov tıisti kelisim almaýmen qatar memlekettik organdardan BTA Banktiń iri qatysýshy ekendigin ádeıilep jasyrdy. «О́z sheshiminde tórelik trıbýnal «KT Asia» kompanııasy ınvestısııalardy ıelenbegenin jáne BTA Bankke úles qospaǵany týraly Qazaqstan Respýblıkasynyń ustanymymen kelisti.
Osylaısha, «KT Asia» kompanııasy jáne Qazaqstan Respýblıkasy arasynda ınvestısııalyq daýdyń joq bolýyna baılanysty, Trıbýnal talapkerdiń talaptaryn qaraý boıynsha ıýrısdıksııasynyń joq ekendigin moıyndady jáne osy talap-aryzdy qaraýdy toqtatty», – dep túıindelgen baspasóz paraqshasynda.
Qurysh NURYMBET.