Beırýttaǵy teńiz portynda jarylys boldy. Bul týraly Syrtqy istermınıstrligine silteme jasaı otyryp Egemen.kz habarlaıdy.
Lıvandaǵy qazaqstandyq dıplomattardyń aqparaty boıynsha, aǵymdaǵy jylǵy 4 tamyzda jergilikti ýaqyt boıynsha saǵat 18:00 shamasynda Beırýttaǵy teńiz portynyń bazasynda birneshe qatty jarylys boldy.
Jaqyn mańda ornalasqan úılerde, sondaı-aq jarylys epısentrinen birneshe shaqyrym jerde ornalasqan ǵımarattarda terezeleri shaǵyldy.
Jergilikti bıliktiń aldyn ala aqparaty boıynsha, teńiz portynda pırotehnıkasy bar keme jarylǵan. Jarylys saldarynan Lıvandaǵy QR dıplomatııalyq mıssııasynyń ǵımaratyna zııan keltirdi.
Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan. Konsýl jumysta qalǵan bolatyn jáne jarylys tolqyny saldarynan jeńil jaraqat aldy.
Bizdiń dıplomattar jergilikti bılik organdarymen jedel baılanysta, Lıvandaǵy Qazaqstan Respýblıkasy azamattarynyń jaǵdaıy týraly aqparat tekserilýde.