Kanadanyń Nıý-Bransýık provınsııasyndaǵy orman ýchaskeleriniń ıesi aıýdyń shabýylyna erekshe tásil qoldaný arqyly ózin qorǵap qaldy. Bul týraly Segodnya.ua habarlady.
«Fedpost» gazetiniń aqpary boıynsha, birneshe orman ýchaskeleriniń ıesi Jıl Sır óz menshigindegi jerlerin tekserip júrgen. Kenetten onyń aldynan alyp aıý shyǵa keledi. Jyrtqysh ań oǵan birden shabýyl jasap, jerge qulatqan.
«Kózimdi ashqanymda, alyp aıýdyń ústime tónip turǵanyn kórdim. Jetken jerim osy shyǵar dep oıladym. Onyń aqyrǵan daýsynan tula boıym titirkenip ketti, – deıdi Jıl Sır. – Qansha tyrysqanymmen onyń astynan shyǵýǵa kúshim jetpedi. Al aıý bolsa alyp qoldarymen soqqy jasaı berdi. Sol sátte onyń tiline kózim tústi. Men qolymdy sozyp, aıýdyń tilinen qysyp ustap, bar kúshimmen ózime qaraı tartyp jiberdim.
Aıý adamnan mundaı áreketti kútpegen bolsa kerek. Ol aqyryp, bir sátke eseńgirep qalǵan eken. Bul ýaqytty utymdy paıdalanǵan aılaker jigit aıýdyń qushaǵynan sytylyp ketip, aǵashqa shyǵyp úlgergen. Onyń artynan barǵan aıý aǵashtyń túbinde biraz turyp, aqyry jigitti qoıa berip óz jónimen ketken. Al jaraqattanǵan Jıl Sır óz betinshe aýrýhanaǵa kelip, dárigerlerdiń kómegine júgingen kórinedi.
Aıdar О́risbaev.