Keshe AQSh-tyń Sparks qalasynda mektep oqýshysy óziniń matematıka páninen beretin muǵalimin atyp óltirdi. Bul týraly ITAR-TASS habarlady.
«Oqýshy muǵalimge oq atqannan keıin, ózin de atyp óltirdi. Oqıǵa saldarynan mekteptiń eki oqýshysy jaraqat aldy», – dep málimdedi Sparks merııasynyń ókili Shon Kerı.
Oqıǵanyń ne sebepten bolǵany ázirge belgisiz. Tergeý amaldary júrip jatyr. Polısııa muǵalimge oq atqan oqýshynyń týystary men dostarynan, mektep oqýshylary men oqytýshylarynan jaýap alýda.
Belgili bolǵandaı, oqýshy sabaqqa qarý alyp kirgen. Ony kórgen muǵalim oqýshydan ózine jáne aınalasyndaǵylarǵa qaýip tóndirmeý úshin qarýdy berýin ótingen. Al oqýshy muǵalimniń ótinishin oryndaýdyń ornyna, oǵan birneshe ret oq atqan eken.
Aıdar О́risbaev.