Azamattyq avıasııa akademııasynyń áýe kemesine eńbek sińirgen ushqysh Iаkýp Parhatovtyń esimi berildi, dep habarlaıdy Egemen.kz
"Qazaqstannyń Azamattyq avıasııa ardagerleriniń bastamasymen Akademııadaǵy áýe kemeleriniń birine elimizdiń Azamattyq avıasııa salasyn damytýǵa, sondaı-aq joǵary kásibı kadrlar men ushqyshtardy daıarlaý men oqytýǵa zor úles qosqan KSRO eńbek sińirgen ushqyshy Iаkýp Angarovıch Parhatovtyń esimi berildi", delingen Azamattyq avıasııa komıtetiniń habarlamasynda.
Buǵan deıin Azamattyq avıasııa akademııasynyń áýe kemeleri alǵashqy qazaq ushqyshtary Joldasbek Nurymov, Salyq Ahmetov, Hamıt Qalıev, KSRO eńbek sińirgen ushqyshtary Saǵynǵalı Nurǵalıev pen Vladıslav Maryshev, "Qurmetti avıator" Naılıa Seıfýllın jáne eki márte Keńes Odaǵynyń Batyry Talǵat Bıgeldınovtyń esimderimen atalǵan.