Qaraǵandy oblysynyń Temirtaý qalasynda bir kózdi sábı dúnıege keldi. Bul týraly «31» telearna habarlady.
Dárigerler mundaı jaǵdaıdy alǵash ret kórip otyrǵanyn aıtady. Bosanar aldynda tekserýden ótken ananyń densaýlyǵy qalypty bolǵan. Náresteni úıine ákelgende ony tekserýge kelgen ýchaskelik pedıatr balanyń bir kózi joq ekenin baıqaǵan. Eger, oǵan bir aıǵa deıin jasandy kóz salynbasa, onyń bas súıegi ózgeriske ushyraıdy eken. Al elimizde jasandy kóz salý otasy 14 jasqa kelgenderge ǵana jasalady. Bul iske tek Máskeý dárigerleri kelisimin beripti. Otbasynyń esebi boıynsha osy otaǵa 1 mln. teńge qajet. Ázirge qoldarynda 200 myń teńge bar kórinedi. Sondyqtan balanyń anasy kópshiliktiń kómek qolyn sozýyn ótinip otyr.
Baqytbek Keneshuly.