Bıylǵy aptap ystyq halyqty túnde terezelerdi ashyp qoıyp uıyqtaýǵa májbúr qylýda. Tańerteń jumysqa baratyn adamdar, balalar men qarttar da tún tynyshtyǵyn qajet etedi. Alaıda eki dóńgelekti kóligimen jarysqa túsetin eserler tún tynyshtyǵyn buzyp, halyqqa zardap shektirýde. Polısııaǵa túsken sondaı dabyldardyń kóbeıip ketýine baılanysty Jol qozǵalysy erejeleriniń talaptaryn saqtaý jáne motokólik quraldaryn qaýipsiz júrgizý boıynsha respýblıkalyq reıdter júrgizildi. Sonyń nátıjesinde Petropavlda eki dońǵalaqty kóliktiń 6 ıesine aıyppul salyndy.
Sonymen birge N.Nazarbaev jáne K. Sútishev kósheleriniń qıylysynda Petropavl qıylysynda 20 jasar turǵyny júrgizip bara jatqan VAZ-2112 avtomashınasy toqtatyldy. Tún tynyshtyǵyn buzýǵa qushtar jádigóı mashınasynyń shýdy azaıtatyn tetigin alyp tastap, kóligin qatty aıdaǵan. Oǵan qatysty da materıal toltyrylyp, aıyppul salynatyn boldy.
"Mundaı buzýshylyqtardyń basym bóligi oblys aýdandarynda anyqtaldy. Aýyl turǵyndary motosıkldardy tirkemeı, tıisti júrgizýshilik kýáliginsiz, eshbir qujatsyz ony aıdap júrgen. tizgindep jatady. Mundaı 47 fakti anyqtaldy. Taǵy 36 adam shlemsiz júrgenderi úshin jaýapqa tartyldy", - deıdi SQO PD bastyǵynyń birinshi orynbasary polısııa polkovnıgi Qanat Aıtbaev.
Sonymen birge reıd barysynda eki táýlik ishinde oblys joldarynda 110 quqyq buzýshylyq anyqtaldy.
Soltústik Qazaqstan oblysy