Budan bólek aýdanda sońǵy 6 aıda jalpy 14833 tonna et, 73095 tonna sút, 8950 myń jumyrtqa óndirilgen. Bul kórsetkish 2019 jylmen salystyrǵanda et baǵyty boıynsha 107,9, sút 112,7, jumyrtqa 105,5 paıyzǵa artyp otyr.
Sondaı-aq, aýdanda tórt túlik sany da artyp keledi. Máselen, 2020 jyldyń 6 aıynda 263 353 bas maıda, iri qara mal, onyń ishinde 52 943 basy analyq, 82075 bas jylqy, 165 713 bas qoı-eshki, 132 456 bas qus tirkelgen.
Munan bólek, búginde aýdanda 1012 mal bordaqylaý oryndary jumys istep tur. Osy alańdarda bir mezgilde 43 myń bas mal bordaqylanýda. Sondaı-aq, bıylǵy jyly aýdan boıynsha 10-15 bastyq 118 shaǵyn mal bordaqylaý alańdaryn ashý josparlansa, 6 aıda onyń 109-y iske qosylǵan. Sonymen qatar, aýdanda sút óndirý maqsatynda 10-15 bastyq 27 januıalyq sút aýlasy qurylǵan.
Aýdan aýmaǵynda asyl tuqymdy IQM basyn arttyrýǵa baǵyttalǵan is-sharalar negizinde Qarabulaq aýyl okrýgindegi ornalasqan «Zafar» sharýa qojalyǵy jáne jeke kásipker «Raımkýlov» sharýashylyqtary shet memleketten 212 bas asyl tuqymdy analyq mal basyn satyp alǵan.