О́z kezeginde Abaı Qunanbaevtyń 175 jyldyǵyna oraı, Abaı atyndaǵy Memlekettik akademııalyq opera jáne balet teatry da QR Mádenıet jáne sport mınıstrliginiń qoldaýymen áýesqoı ánshilerge arnalǵan "Abaı ánderi" onlaın baıqaýyn ótkizdi. Atalmysh baıqaýda baq synaý úshin oryndaýshy aqynnyń ózine unaıtyn týyndysyn toryndap, ony vıdeoǵa túsirip, joldaý kerek boldy.
Baıqaýdyń Uıymdastyrý komıtetine 6-jastan 72-jasqa deıingi otandastarymyzdan 70-ten astam ótinish kelip túsken. Olardyń arasynda Nur-Sultan, Almaty, Qaraǵandy, Pavlodar, О́skemen, Semeı, Qyzylorda, Aqtóbe, Jańaózen, Ekibastuz, Arqalyq, Taldyqorǵan, Taraz, Qyzylorda jáne Túrkistan oblystarynyń talantty turǵyndary tabyldy. О́tinish tipti Mońǵolııadan kelgen.
Bul baıqaýdyń ereksheligi – onlaın daýys berý arqyly jeńimpazdardy anyqtaýǵa kórermenderdiń tikeleı qatysty. Saıys jeke jáne ansambldik óner boıynsha eki nomınasııa boıynsha ótti.
"Jeke oryndaý" nomınasııasyndaǵy jeńimpazdar tórt býynnyń arasynda anyqtaldy:
4 jastan 14 jasqa deıin:1 oryn Alangır Nurǵojanov (Almaty q.), 2 oryn Alora Qýanyshbekova (Taldyqorǵan q.), 3 oryn Qabilet Ábdiraıym (Qyzylorda oblysy); 15 jastan 25 jasqa deıin: 1 oryn Jibekjan Sembınova (О́skemen), 2 oryn Saıa Seılhanova (Almaty oblysy), 3 oryn Janarbek Lashyn (Mońǵolııa);
26 jastan 44 jasqa: 1 oryn Qýanysh Turdyjan (Kaskelen q.), 2 oryn Maqsat Padsabaev (Nur-sultan q.), 3 oryn Jadyra Muzbaeva (Aktóbe q.);
44 jas jáne odan úlken: 1 oryn Gúlnaz Sharıpova (Almaty q.), 2 oryn Kúlsin Orazalına (Qaraǵandy oblysy), 3 oryn Balken Ibraeva (Pavlodar q.).
"Ansambldik oryndaý" nomınasııasynda syılyqtar kelesideı bólindi:
1 oryn «Arnaý» ansambli (Kókshetaý q.), 2 oryn «Shabyt» ansambli (Tobyl q., Kostanaı oblysy), 3 oryn «Aprel» ansambli (Almaty q.).
"Abaıdyń 175 jyldyǵyna oraı 2020 jyly shyǵarmashylyq ujym ár túrli jáne qyzyqty baǵdarlamar daıyndady. Mereıtoı aıasynda TÚRKSOI elderi ókilderiniń qatysýymen "Abaı álemi" halyqaralyq festıvalin ótkizý josparlanǵan bolatyn. Alaıda, pandemııaǵa baılanysty keıbir is-sharalardan bas tartýǵa týra keldi, keıbireýleri keıinge qaldyryldy, al kóbisi onlaın rejıminde ótkizildi. Osyndaı jobalardyń biri, ár túrli jastaǵy sanattaǵy kásibı emes oryndaýshylar arasyndaǵy «Abaı ánderi» onlaın baıqaýy boldy. Baıqaý jeńimpazdarynyń 10 tamyzda, aqynnyń týǵan kúni men jańa mereke "Abaı kúni" dep jarııalanýy sımvolıkalyq maǵynaǵa ıe", - deıdi Abaı atyndaǵy Qazaq Memlekettik akademııalyq opera jáne balet teatrynyń dırektory Aıa Qalıeva.
ALMATY