Qyzylordalyq polıseıler turǵyndardy sanıtarlyq normalardy saqtaýǵa shaqyryp, taǵy da 2 myńǵa jýyq betperde taratty, – dep habarlaıdy Egemen.kz Polisia.kz saıtyna silteme jasap.
QR IIM Esirtki qylmysyna qarsy is-qımyl departamentiniń tapsyrmasyna sáıkes Qyzylorda oblysy Polısııa departamentiniń Esirtki qylmysyna qarsy is-qımyl basqarmasynyń qyzmetkerleri “Esirtkige jol joq!” aksııasyn uıymdastyrdy.Aksııa barysynda adamdar kóp jınalatyn jerlerde, ıaǵnı bazarlarda, saýda úılerinde, kóshelerde, aıaldamalarda jáne avtovokzaldarda marıhýananyń syzylǵan beınesiniń logotıpi bar maskalar taratyldy. Osylaısha, qyzylordalyq esirtkimen kúresýshiler karantın jaǵdaıynda esirtkige qarsy nasıhat júrgizdi. Tártip saqshylary betperdelerdi taratý kezinde esirtkiniń zııany týraly, sondaı-aq koronavırýs ınfeksııasynyń taralýyna jol bermeý úshin sanıtarlyq normalardy saqtaý kerektigin aıtyp, túsindirý jumystaryn júrgizdi. Aıta keterligi, Qyzylorda oblysy Polısııa departamentimen aǵymdaǵy jyldyń jeti aıynda 377 esirtki qylmysy anyqtaldy, onyń ishinde – 299 teris qylyq, 78 qylmys (asa iri kólemdegi esirtki zattaryn saqtaýdyń segiz faktisi, esirtkini ótkizýdiń 14 faktisi, zańsyz ósirýdiń 56 faktisi). Zańsyz aınalymnan 100 kg-ǵa jýyq túrli esirtki zattary tárkilendi.