Almaty qalasy Qoǵamdyq densaýlyq basqarma basshysy Kamaljan Nadyrov búgingi onlaın-brıfıngte qaladaǵy epıdemııalyq jaǵdaıdyń turaqtanǵany týraly málimdedi. Alaıda, kúzde qaıta órshýi múmkin COVID-19 vırýsynyń jańa tolqynyna daıyn bolý úshin aýqymdy jumystar júrgizilip jatyr. Epıdemııaǵa qarsy turý úshin barlyq deńgeıde júıeli túrde jumystar kúsheıtilgen.
Almatynyń bas dárigeri qaladaǵy epıdemııalyq jaǵdaıdy baıandaı otyryp: «Pandemııa bastalǵaly beri Almaty qalasynda 13 742 COVID-19 jaǵdaıy tirkeldi. Sońǵy 15 kúnde aýrý deńgeıi 7 ese tómendedi. Eger shilde aıynyń sońynda táýligine 271 jaǵdaı tirkelgen bolsa, búgingi kúni 40 jaǵdaı anyqtaldy.
Koronavırýstan qaıtys bolǵan adamdar sany – 195. Barlyǵy 9 306 adam saýyǵyp shyqty, bul degenimiz juqtyrǵan jaǵdaıdyń 68%-yn quraıdy.
Jalpy tósek-oryn syıymdylyǵy 5781 oryndyquraıdy. Búgingi tańda stasıonarlardyń júktemesi 19%-dan aspaıdy. Qazirgi ýaqytta táýligine 60-tan astam naýqas aýrýhanaǵa jatqyzylady, salystyrmaly túrde bir aı buryn ǵana stasıonarlarǵa 417 naýqas kelip túsip otyrǵan.
Biz rezervtik tósek-oryn syıymdylyǵyn arttyrýdy jalǵastyramyz. Jańa modýldik aýrýhananyń qurylysy qarqyndy júrip jatyr. Bul 300 tósek-orynǵa arnalǵan ekinshi modýldik ınfeksııalyq aýrýhana, onyń ishinde 30-reanımasııalyq bólim bolady. Sonymen qatar, aýrýhanany medısınalyq jabdyqtarmen jáne qajetti kadrlarmen qamtamasyz etý máselesi qarastyrylýda. Bul stasıonar birinshi eshelonnyń tolyqqandy klınıkasy retinde jumys isteıtin bolady.
Jedel járdem jumysynda suranystyń azaıǵany baıqalady. О́tinishter men shaqyrtýlar sany sońǵy aıda 2200-den 1400-ge deıin 1-3 sanat boıynsha jáne 280-den 170-ke deıin 4 jedeldik sanaty boıynsha azaıdy. Vırýs órshigen shaqta biz múldem basqa kórsetkishterdi baıqaǵan edik. Jedel járdem táýligine 8 000-ǵa deıin ótinish qabyldasa, árbir ekinshi qońyraýdan soń brıgada naýqastyń úıine bardy.
Shilde aıynyń basynda barlyq ótinishterdiń 50%-y koronavırýsqa kúdikti naýqastar boldy. Búginde shaqyrýlar qatarynda JRVI, pnevmonııa jáne koronavırýsqa baılanysty ótinishter sanynyń azaıǵany baıqaýǵa bolady. Bul barlyq qońyraýlar sanynyń 10%-nan aspaıdy.
Jedel medısınalyq járdem qyzmetinde 3000-nan astam adam jumys isteıdi, bul 180 brıgada bolyp sanalady. Onyń ishinde 365 dáriger, 1388 feldsher bar. Osy turǵyda jedel járdem qyzmeti kúzgi jáne qysqy kezeńge daıyn ekenin atap ótken jón. Vırýs órshigen shaqta qyzmet kórsetý táýligine 500-ge deıin pasıentti qabyldaýy múmkin degen boljam bar. Qosymsha 55 jedel járdem kóligi kelip túsedi dep kútilýde.