Sapar barysynda óńir basshysy jol jóndeý jumystarymen tanysyp, mádenı-sport kesheniniń qurylysymen, mekteptiń qaıta jóndeý jáne jergilikti sharýa qojalyqtarynyń jumystarymen tanysty. Bul týraly Egemen.kz oblys ákiminiń baspasóz qyzmetine silteme jasap habarlaıdy.
Jumys sapary Úlken Shaǵan-Peremetnyı avtojolynyń 10 shaqyrymyna kúrdeli jóndeý jumystaryn júrgizýden bastaldy. Joba quny 445 mln. teńgeni qurady. 32-den 42 km-ge deıingi jol ýchaskesin osy jyldyń jeltoqsan aıynda tapsyrý josparlanýda.
"Jumyspen qamtýdyń jol kartasy" baǵdarlamasy aıasynda quny 187 mln.teńgeni quraıtyn Zelenov JOBBM ǵımaratyn qaıta jańartý jumystary júrgizilýde. Jobada 37 adam jumys jasaıdy. Mektep oqý jyly bastalǵanǵa deıin óz esigin qaıta ashady. Báıterek aýdanynda JQJK boıynsha jalpy somasy 2,41 mlrd. teńgege 8 joba júzege asyrylýda. Nysandardaǵy jumystarda 487 adam jumys jasaıdy, sonyń ishinde 208 adam jumyspen qamtý ortalyǵy arqyly tartyldy.
Ǵalı Esqalıev aýdandyq sharýa qojalyqtarynyń jumysymen tanysty. 2020 jyly "Permskıı" JShS egistik alańy 6141 ga qurady, onyń ishinde 1000 ga kúzdik bıdaı men jazdyq bıdaı, 500 ga arpa, 400 ga tary, 1600 ga kúnbaǵystyń basqa daqyldardy quraıdy. Bıylǵy jyly "Aıdos" ShQ – nyń egis alqaby 500 ga, munda mal sharýashylyǵymen aınalysady. Sharýashylyqta qazaqtyń aqbas tuqymdy 180-nen astam iri qara mal basy bar.
О́ńir basshysy syıymdylyǵy 150 adam bolatyn "Asan-Aýyl" mádenı-sport kesheniniń qurylysymen tanysty. Quny 120 mln.teńge bolatyn nysan jeke ınvestısııalar esebinen iske asyrylady jáne osy jyldyń qyrkúıek aıynda tapsyrý josparlanýda.