Shymkentte sıfrlandyrý baǵytynda birqatar jumystar atqarylýda. Shymkent qalasynyń Sıfrlandyrý basqarmasy basshysynyń mindetin atqarýshy Dosan Álibekov baspasóz brıfınginde atqarylǵan jumystardan habardar etti.
Dosan Bınazarulynyń aıtýynsha, bıyl bilim salasy qyzmeti jańa oqý jylyna oraı tolyq sıfrly júıege kóshti. Balalardyń onlaın rejımde sabaq alýyn qamtamasyz etý úshin qaladaǵy barlyq bilim berý uıymdary joǵary jyldamdyqty ınternetpen qamtamasyz etilýde.
"Bilim salasy – eń mańyzdy áleýmettik salanyń biri. Bıyl bilim salasy tolyq avtomattandyryldy. Balalalardy bilim uıymdaryna qabyldaý tolyq elektrondy formatta júzege asty. Sondaı-aq, tehnıkalyq jáne kásiptik bilim berý uıymdaryna qabyldaý, otbasy jáne balalarǵa qatysty qyzmetter, taǵy basqa qyzmetter tolyq avtomattandyryldy.
Qala aýmaǵyn joǵary jyldamdyqty jáne qýatty ınternet jelisimen qamtamasyz etý maqsatynda búginde 11 bazalyq stansııa ornatylýda. 11 oryn boıynsha da qalada zańdastyrý jumystary aıaqtaldy. Shymkent qalasynyń aýmaǵyna kiretin barlyq shalǵaıdaǵy eldimekenderdi joǵary sapadaǵy ınternetpen qamtý úshin qosymsha 43 núktege taldaý jumystary júrgizildi. Qyrkúıek, qazan aılarynda bazalyq stansııalardyń jumysyn iske qosý jumystary aıaqtalady", – dedi Dosan Bınazaruly.
Aıta ketsek, búginde Shymkent qalasy sapaly ınternet júıesimen 80 paıyz qamtylǵan. Al ornatylyp jatqan bazalyq stansııalardyń jumysy aıaqtalǵan sátte bul kórsetkish 100 paıyzǵa jetpek.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.