Koronavırýs ınfeksııasyna qarsy "QazCovid-in ®" qazaqstandyq vaksınasy klınıkaǵa deıingi zertteýden ótti, dep habarlaıdy Egemen.kz QazAqparatqa silteme jasap.
"Dárilik zattar men medısınalyq buıymdardy saraptaý ulttyq ortalyǵynyń (DZSUO) Almaty qalasyndaǵy aımaqtyq fılıalynyń farmakologııalyq synaq zerthanasy bazasynda COVID-19 qarsy qazaqstandyq belsendi emes vaksınany (QazCovid-in ®️) klınıkaǵa deıingi zertteý aıaqtaldy. Janýarlarǵa vaksınanyń kúsheıtilgen dozasyn salyp, onyń qaýipsizdigi men ýytty áseri muqııat tekserildi. Sonymen qatar, osy zertteý aıasynda otandyq vaksınanyń aǵzaǵa allergııalyq reaksııasy men deneni titirkendirgish áseriniń joq ekeni anyqtaldy. Jalpy zertteý ádisterinen basqa, vaksınanyń qaýipsizdik deńgeıi qannyń gematologııalyq jáne bıohımııalyq kórsetkishterimen rastaldy. Vaksınanyń janýarlardyń ishki múshelerine áseri de baǵalandy", - dedi QR Densaýlyq saqtaý mınıstrligi Taýarlar men kórsetiletin qyzmetterdiń qaýipsizdigi men sapasyn baqylaý komıtetine qarasty "Dárilik zattar men medısınalyq buıymdardy saraptaý ulttyq ortalyǵy" RMK ókili.
Málim etilgendeı, jiti zertteý nátıjeleri klınıkaǵa deıingi zertteý COVID-19 qarsy otandyq vaksına ýytty emes ekenin anyqtady jáne ony keıin klınıkalyq synaq barysynda erikti-adamdarǵa qoldanýǵa bolatyndyǵyn kórsetti.
"Jańa vaksınanyń tıimdiligi men qaýipsizdigin tolyq baǵalaý úshin, qazaqstandyqtardy vaksınasııalaý úshin odan ári keń aýqymdy klınıkalyq zertteýler qajet. Zertteýdiń barlyq kezeńi ótkizilgennen keıin ǵana vaksınanyń qaýipsizdigi týraly aıtýǵa bolady", - dedi bıologııa ǵylymdarynyń kandıdaty, dosent, "Dárilik zattar men medısınalyq buıymdardy saraptaý ulttyq ortalyǵy" Almaty farmakologııalyq synaq zerthanasynyń meńgerýshisi Valentına Shnaýkshta.
Atap ótilgendeı, barlyq eksperıment Dárilik zattar men medısınalyq buıymdardy saraptaý ulttyq ortalyǵynyń janýarhanasyndaǵy eksperımenttik janýarlarǵa jasalǵan.
"Farmakologııalyq zertteýler zerthanasy GLP OECD sáıkes Slovak ulttyq akkredıtteý qyzmetiniń (SNAS) halyqaralyq akkredıtteý mártebesine ıe jáne Qazaqstandaǵy bıoekvıvalentti zertteý júrgizetin jalǵyz zerthana. Esterińizge sala keteıik, buǵan deıin Dúnıejúzilik densaýlyq saqtaý uıymy qazaqstandyq ǵalymdardyń jumysyn óziniń resmı saıtynda tirkep, ony klınıkaǵa deıingi zertteýge ruqsat etilgen Covid-19 qarsy vaksınaǵa kandıdattardyń tizimine qosqan bolatyn. Otandyq belsendi emes vaksınany QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýtynyń qyzmetkerleri ázirledi. Vedomstvonyń málimetinshe, ol Qazaqstandaǵy naýqastardan bólingen vırýs shtammy negizinde jasalǵan", - dedi ortalyqtyń baspasóz qyzmetinen.
Eske salaıyq, Qazaqstanda 2020 jyldyń 23 naýryzynda COVlD-19-ǵa shaldyqqan alǵashqy pasıentten patologııalyq materıal alynyp, bir aptadan keıin QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýty SARS-CoV-2 vırýsyn bólip shyǵardy. 2020 jyldyń 9 mamyrynda COVlD-19-ǵa qarsy kandıtat ınaktıvtelgen vaksına ázirleý boıynsha jumys aıaqtalyp, onyń hattamasy Dúnıejúzilik densaýlyq saqtaý uıymyna jiberildi. 15 mamyrda DDSU aldyn ala tekserýden keıin ony klınıkaǵa deıingi synaqqa jiberilgen kandıat vaksınalar tizimine qosyp, vaksına jáne ázirleýshi týraly aqparatty resmı saıtynda ornalastyrdy. 2020 jyldyń 15 mamyrynda zerthanalyq tyshqan, sırııalyq atjalman, teńiz shoshqasy, kúzen jáne úı qoıanyna kandıdat vaksınany klınıkaǵa deıingi synaq bastaldy. Klınıkaǵa deıingi synaq vaksınanyń DDSU reglamenttegen barlyq parametrler, atap aıtqanda ýyttylyǵy, dert týyndatýshylyǵy, allergendiligi, ımmýnogendigi boıynsha DDSU talaptaryna jáne Qazaqstan Respýblıkasynyń memlekettik farmakopııasyna saı keletindigin kórsetti. 2020 jyldyń 6 shildesinde vaksına QR DSM Ulttyq dárilik zattardy saraptaý ortalyǵyna berildi.
Ortalyq buǵan deıin Bıologııalyq qaýipsizdik problemalary ǵylymı-zertteý ınstıtýty alǵan vaksınany klınıkaǵa deıingi synaq nátıjeleriniń jańǵyrtylatyndyǵyn qýattady. 2020 jyldyń 10 shildesinde Bıologııalyq qaýipsizdik problemalary ǵylymı-zertteý ınstıtýty vaksınany maımylǵa (makaka rezýs) synaqtan ótkizýdi bastady. lg M, lg G antıdene tıtri jetinshi kúnde 3,5 10Q (joǵary kórsetkish) bolǵan edi. Dúnıejúzilik densaýlyq saqtaý uıymynyń talabyna sáıkes, 2020 jyldyń 13 tamyzynda makak-rezýstan antıdeneniń keminde 7 log bolýy tıis sońǵy tıtrin anyqtaý josparlanyp otyr. Bul joǵary ımmýnogendik kórsetkish sanalady.
2020 jyldyń 26 shildesinde vaksınanyń 5 ázirleýshisi tiri vırýspen jumys isteý barysynda qaýipsizdikterin qamtamasyz etý úshin erikti túrde vansınany ózderinde synady. Birneshe táýlik ótkennen keıin olar ózderin jaqsy sezinip, dene qyzýy men allergııasy bolmaǵan. Otandyq vaksınanyń klınıkaǵa deıingi synaǵy bıylǵy 20 tamyzda aıaqtalyp, nátıjesi QR Densaýlyq saqtaý mınıstrligine beriletini buǵan deıin málim etilgen edi. QR Densaýlyq saqtaý mınıstrliginen ruqsat alynǵannan keıin 2020 jyldyń 20 qyrkúıeginde Almaty qalasyndaǵy klınıkanyń bazasynda COVID-19-ǵa antıdenesi joq 44 eriktige klınıkalyq synaq (I faza) bastalatyndyǵy kútiledi.
2020 jyldyń qazan aıynyń ortasynda Dúnıejúzilik densaýlyq saqtaý uıymynyń talaptaryna saı keletin 200 eriktige klınıkalyq synaq ótkizýdiń II fazasyna shyǵý josparlanǵan. Klınıkalyq synaqtyń II fazasy 2020 jyldyń jeltoqsan aıynda aıaqtalýy tıis. Kóptegen eldiń (Qytaı, AQSh, Reseı) tájirıbesin jáne halyqty vaksınamen qamtamasyz etý qajettigin qaperge ala otyryp, klınıkalyq synaq fazasynyń sanyn 4-ten 2-ge deıin qysqartý qarastyrylyp jatyr. Bul DDU talaptaryna qaıshy bolmaıdy. Kandıdat vaksınanyń klınıkalyq synaq nátıjelerin DDU rastaǵan jaǵdaıda Qazaqstan ınstıtýty janyndaǵy qurylys jumystary júrgizilip jatqan Immýnobıologııalyq preparattar óndirisi zaýyty vaksına shyǵarýǵa daıyn. Zaýyttyń jobalyq qýaty jylyna 60 mln dozany quraıdy. Qurylys jumysy 2020 jyldyń jeltoqsanynda aıaqtalady.