"Bavarııa" komandasynyń shabýylshysy Robert Levandoskı Chempıondar lıgasynyń fınaldyq kezdesýinde Krıshtıaný Ronaldýdyń rekordyn jańartýy múmkin, dep jazady Egemen.kz.
Fransııalyq "Lıon" komandasyna qarsy ótken kezdesýde polshalyq shabýylshy bir gol soqty. Al esep 3:0 esebimen aıaqtalǵan edi. Bul Levandovskıdiń bıylǵy maýsymdaǵy osy týrnırde soqqan 15-shi goly bolatyn.
Jalpy Chempıondar lıgasynda bir maýsymda eń kóp gol soqqan fýtbolshy Krıshtıaný Ronaldý. Portýgalııa quramasynyń shabýylshysy 2013/14 jylǵy maýsymda "Real" sapynda 17 gol soqqan edi. Al 2015/16 maýsymda ol 16, 2017/18 jyly 15 gol soqqan. Levandoskıdiń bul rekordty qaıtalanýyna tipti jańartýyna múmkindigi bar. Ol úshin shabýylshy fınaldyq oıynda 2 nemese 3 gol soǵýy kerek. Aıta keteıik, Bavarııa" jáne PSJ arasyndaǵy fınal 23 tamyzdan 24 tamyzǵa aýysqan túni "Eshtadıý da Lýsh" stadıonynda ótedi. Kezdesý Nur-Sultan ýaqytymen 01:00-de bastalady."Bavarııa" úshin bul 11- fınal bolaıyn dep tur. Al PSJ bolsa birinshi ret fınalǵa shyqty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.