Bul kúnderi megapolıste epıdemııalyq ahýal turaqtanǵanymen, kóptegen mekeme men kásiporyn jumysynyń qaıta jandanýy indettiń qaıta órshýine ákelip soqtyrýy ǵajap emes. О́mir osy arnasynan aýytqymaýy úshin megapolıste atqarylyp otyrǵan sharalar legi az emes. Sonymen Almatyda "COVID-19 vırýsyn juqtyrǵandar naýqastardy aýrýhanaǵa jatqyzý jáne aýrýdy basqarý modeli" tanystyryldy, dep habarlaıdy Egemen.kz
COVID-19 vırýsyn juqtyrǵan naýqastardy aýrýhanaǵa jatqyzý jáne aýrýdy basqarý modeli aldaǵy jaǵdaıdy boljaý jáne aýrýhanaǵa jatqyzý júıesin basqarý úshin jasalǵan.
Baǵdarlama densaýlyq saqtaý júıesiniń barlyq deńgeıine negizdeledi jáne naýqastardy stasıonarlarǵa durys bólýdi kózdeıdi. Bul prosesstegi negizgi retteýshi jedel medısınalyq kómegi bolyp tabylady, olar shaqyrý túsken soń-aq aýrýdyń aýyrlyq dárejesin anyqtap, eger aýrýdyń jeńil túri bolsa naýqastardy emhanalarǵa jiberip, al ınfeksııanyń qıyn túri bolǵan jaǵdaıda aýrýhanaǵa jatqyzýy kerek.
Qazirgi tańda Almaty qalasynda 6000 tósek-oryn ashylǵan, ony taǵy da 1000 tósek-orynǵa arttyrý josparda bar. Bul rette, aýrýdy basqarý modeline sáıkes, densaýlyq saqtaý júıesindegi quldyraý (kollaps) kezinde táýligine 500 adam aýrýhanaǵa jatqyzylýy múmkin. Al stasıonarlar 70% tolyq bolǵanda qatań shekteý sharalaryn engizý qajettiligi týyndaıdy.
"6000 tósek-oryn bolǵandyqtan bizdiń mindet táýligine aýrýhanaǵa túsetin adamdar sanyn 350-den artyqqa jetkizbeý. Bul óte mańyzdy, óıtkeni eger aýrýhanaǵa túsken naýqastar sany kóbeıgen kezde ýaqtyly sharalar qabyldanbasa, onda júıe quldyraýy (kollaps) múmkin. Iаǵnı, aýrýhanaǵa túsetinder sany kúnine 500-ge deıin jetýi múmkin, buǵan biz jol bermeýimiz qajet. Bul stasıonarlardaǵy bizdiń áriptesterimiz úshin aýyr júkteme bolmaq jáne tósek-oryn rezervteri, árıne, sheksiz emes", dep atap ótti Kamaljan Nadyrov.
Stasıonarlardyń qabyldaý múmkindigin baqylaý úshin aýrýlardy basqarý modeli boıynsha bir tósek aýysymy jáne bos tósek-oryn qorynyń turaqty monıtorıngi jasalady. Sonymen qatar, koronavırýs ınfeksııasy bar naýqastarǵa sapaly medısınalyq kómek kórsetý úshin tósek aýysymy aıyna 3 adam deńgeıinde bolýy kerek.
Kamaljan Nadyrov: "Stasıonarlar 70% paıyzǵa tolyq bolǵan kezde biz aýrýhanaǵa jatqyzý deńgeıin tómendetýge jáne yńǵaıly jaǵdaıda jumys isteýge múmkindik beretin qatań shekteý sharalaryn engizýge májbúr bolamyz. Bul stasıonarlyq deńgeıde sapaly emdeý múmkindigin beredi. Mundaı jaǵdaıda shekteý sharalary yńǵaıly, bul degenimiz kásibimizdiń tutastaı jabylmaýǵa, biraq belgili bir shekteýler jaǵdaıynda jumys isteýge múmkindik. Iаǵnı, ekonomıkalyq belsendilikti qalpyna keltiredi", deıdi ol.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.