Iаnszy ózeniniń sýy Ońtústik Qytaıdaǵy sý tasqynyna baılanysty álemdegi eń bıik músinderdiń biri - Býdda músinine jetti, dep habarlaıdy Egemen.kz CNN-ge silteme jasap.
Sońǵy 10 jylda alǵash ret Iаnszy ózeniniń sýy kóterilip, mıllıondaǵan turǵynnyń jergilikti jeri men úılerin qıratty. О́zen sýynyń qatty tasyǵany sonsha, ol Býdda músinine deıin jetken. Polısııa jáne basqa da qyzmetkerler músindi kóterilgen sýdan qorǵaıtyn bóget jasady.
Maýsym aıynda bastalǵan bul zilzala saldarynan 55 mıllıon adam zardap shekti. 2,2 mıllıonnan astam adam óz úılerin tastap ketýge májbúr boldy. 141 adam iz-túzsiz joǵalyp ketti.
Músin ornalasqan Sychýan provınsııasynda jergilikti bılik alǵash ret sý tasqynyna jaýap berý deńgeıin eń joǵary deńgeıge kóterdi. Sý tasqyny úılerdi basyp qana qoımaı, jergilikti joldarǵa, fermalarǵa jáne daqyldarǵa aıtarlyqtaı zııan keltirdi. Sý tasqynynan bolǵan bul shyǵyn 21 mıllıard dollarǵa baǵalandy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.