Halyqaralyq dzıýdo federasııasy jarys kezinde qatań saqtalatyn talaptar tizimin jarııa etti. Jarysqa qatysýshylardyń barlyǵy da erejeden attamaýy tıis.
Týrnır aldynda sportshylar, resmı tulǵalar, bapkerler men basqa da qatysýshylarǵa koronavırýstyń bar-joǵyn anyqtaıtyn test tapsyrý mindetteledi. IJF málimetinshe, jarysqa qatysýshylardyń barlyǵy keıingi 14 kúnde qandaı da bir aýrý belgileriniń joq ekendigin dáleldeıtin, COVID-19 teris nátıjesin kórsetetin medısınalyq anyqtama ákelýi tıis.
Sondaı-aq elge jáne turǵyn úıge kirerde jáne jarys ótetin aýmaqtyń barlyǵynda dene qyzýy sát saıyn ólshenip turady. Maska taǵý tatamı men jattyǵý zaldarynan basqa jerlerdiń barlyǵynda mindetteledi.