Pavlodardaǵy balalar fýtbol ortalyǵynyń jattyqtyrýshylaryna beriletin qarajattyń jalpy somasy 16 mıllıon teńgeden asyp barady. Birneshe aıdan beri olar jalaqysyz jumys istep kelgen. Al jergilikti "Ertis" klýbynyń ózi mıllıardtaǵan dollar qaryzyna baılanysty jabylý aldynda tur, - dep habarlaıdy Egemen.kz.
Ortalyq kóktemde balalar sport ortalyǵy jattyqtyrýshylaryna jalaqy tóleýdi toqtatqan. Jıyrma qyzmetker birneshe aı boıy aqshasyz jumys istedi. Al 1 shildede olar tolyqtaı aqy tólenbeıtin demalysqa jiberildi.
"Biz úsh aıǵa - sáýir, mamyr jáne maýsymǵa arnalǵan bereshekti kútip júrmiz. Shilde men tamyz aılarynda memleketten 42,500 jáne 21250 aldyq, ıaǵnı bizdiń jattyqtyrýshylar bes aıda 63000 teńge ǵana aldy", dedi fýtbol ortalyǵynyń jattyqtyrýshysy Álibek Júsipov.
Bapkerler fýtbol ortalyǵynyń basshylyǵymen sóılesýge tyrysqan. Biraq mekeme dırektory baılanysqa shyqpaı júr eken. Ortalyqta birneshe jyl oqyp kelgen balalardyń ata-analary da onymen baılanysýǵa tyrysty.Olardyń da áreketinen eshteńe ónbegen.
Oblystyq sport basqarmasy balalar jattyqtyrýshylarynyń problemasymen tanys. Sheneýnikter bul mamandar jumyssyz qalmaıdy dep ýáde berdi. Biraq jalaqy boıynsha qaryzdar "Ertis" fýtbol klýbynyń qaryzy ótelgennen keıin ǵana tólenedi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz