21 tamyz kúni "Junior Eurovision" halyqaralyq baıqaýy Ulttyq irikteýiniń qazylar alqasy fınalǵa ótý úshin baq synasatyn 30 qatysýshyny anyqtady, dep habarlaıdy Egemen.kz.
12 fınalıstiń esimderi jevision.khabar.kz saıtynda daýys berý arqyly belgili bolady. Onlaın-daýys berý 22 tamyz kúni saǵat 00.00-de bastalyp, 31 tamyzdyń tún ortasyna deıin jalǵasady.
Qazaqstannyń barlyq óńirlerinen barlyǵy 684 ótinim kelip tústi. Bastapqy kezeńde uıymdastyrýshylardyń mýzykalyq departamenti 72 ótinimdi iriktep aldy. Olardyń arasynan qazylar alqasy 30 qatysýshyny tańdap aldy.
Kelesi kezeńniń qatysýshylary:
Abdrahmanova Janerke Altynbekqyzy Sanııa Balgazına Sofııa Bashanova Qaraqat Bekjan Nazarbek Býrhanova Adııa Ǵazızqyzy Kamıla Gılıova Kamıla Jumabaı Ábilqaıyr Jaqypbekov Nurmuhammed Jumajan Aıdana Zaýsheva Aılýn Qaldybek Janel Kýzdenbaeva Kamılla Kýnadılova Adel Kýsanova Nurshat Makım Jan Maksımov Mıras Manarbekqyzy Aqjibek Mýkıtanova Aıym Nurjanova Aknur О́mirbaıuly Saǵyn Saǵynbaeva Alına Saıpollda Islam Tilepova Dılnaz Tileýbek Áıkerim Tileýinbetova Jasmın Tóleýbaı Dinmuhammed Tursynova Mahınur Sherhan ArystanUlttyq irikteýdiń qazylar alqasynyń quramynda "Qazaqkonsert" Memlekettik konserttik uıymynyń dırektory Jeńis Seıdollauly, "Habar" telearnasynyń dırektory Dınara Bısembına, ánshi-kompozıtor Qaırat Baekenov, kompozıtor Hamıt Shańǵalıev, Dımash Qudaıbergenniń saýndprodıýseri Erlan Bekchýrın, T. Júrgenov atyndaǵy Qazaq ulttyq óner akademııasynyń dekany, prodıýser Baǵym Muhıtdenova jáne halyqaralyq mýzykalyq baıqaýlardyń jeńimpazdary - Janar Duǵalova, Ámire, Dinaya jáne Mádı Syzdyqov boldy. Sondaı-aq, Ulttyq irikteýge arnaıy shaqyrylǵan ádil-qazy múshesi - belgili kompozıtor, prodıýser, "Eurovision Song Contest" án baıqaýyndaǵy Ázirbaıjan delegasııasynyń jetekshisi Isa Melıkov te qatysty.
"Junior Eurovision" baıqaýynyń Ulttyq irikteýiniń fınaly 26 qyrkúıek kúni "Habar" telearnasynyń tikeleı efırinde ótedi.
Joba uıymdastyrýshylary irikteýdiń birinshi kezeńine qatysqan barlyq jas oryndaýshylarǵa alǵys aıtyp, barlyq qazaqstandyqtardy jevision.khabar.kz saıtynan eń myqty qatysýshyǵa daýys berýge shaqyrady.
Esterińizge sala keteıik, atalmysh baıqaýǵa Qazaqstannyń osymen úshinshi márte qatysýy - "Habar" Agenttiginiń 2016 jyldan beri Eýropalyq habar taratý odaǵynyń (EVU) qaýymdasqan múshesi atanýynyń arqasynda múmkin bolyp otyr. Bıyl baıqaýdyń ótýine Qazaqstan Respýblıkasynyń Mádenıet jáne sport mınıstrligi qoldaý bildirýde.