"Jolaýshylar tasymaly" AQ elimizde birqatar jolaýshylar poıyzynyń qaıtadan jolǵa shyǵatyndyǵyn málim etti, dep habarlaıdy Egemen.kz QazAqparatqa silteme jasap.
Kompanııa málimetinshe, № 4/3 "Nur-Sultan - Nurly jol – Almaty-2" baǵytyndaǵy jolaýshylar poıyzy 2020 jyldyń 25, 27, 29 tamyz jáne 1, 3, 5, 7, 9, 11 qyrkúıekte "Nur-Sultan - Nurly jol" vokzalynan jóneltilip, 26, 28, 30 tamyz jáne 2, 4, 6, 8, 10, 12 qyrkúıekte Almatyǵa jetedi jáne sol kúnderi keri baǵytta jolǵa shyǵady.
Al "Nur-Sultan – Nurly jol" vokzalyna 27, 29, 31 tamyz jáne 3, 5, 7, 9, 11, 13 qyrkúıekte keledi. Sonymen qatar № 68/67 "Nur-Sultan – Nurly jol - О́skemen-1" baǵytyndaǵy poıyz 26, 30 tamyz jáne 3, 7, 11 qyrkúıekte "Nur-Sultan - Nurly jol" vokzalynan jolǵa shyǵyp, 27, 31 tamyzda jáne 4, 8, 12 qyrkúıekte О́skemenge jetedi.
Sodan keıin birden keri baǵytqa jóneltilip, "Nur-Sultan – Nurly jol" vokzalyna 28 tamyzda jáne 1, 5, 9, 13 qyrkúıekte kelip toqtaıdy. Poıyzdardyń kelý/jóneltilý ýaqyty týraly barlyq aqparatty "105" anyqtamalyq telefony arqyly alýǵa bolady.