"Astana Pro Team" veloshabandozy Manýele Boaro Italııanyń trassadaǵy chempıonatynyń ártúrli startpen bolǵan jekeleı synynda máre syzyǵyna tórtinshi bolyp jetti, dep habarlaıdy Egemen.kz QazAqparatqa silteme jasap.
"Astana Pro Team" shabandozy 38,8 shaqyrym qashyqtyqty 47 mınýt 11,93 sekýndta júrip ótti. Ol bıylǵy Italııa chempıony Fılıppo Ganneden 2 mınýt 12 sekýndqa qalyp qoıdy.
"Búgingi jarysyma kóńilim tolady. Árıne, júldeli orynǵa ilikkim keldi, sol maqsatqa umtyldym, biraq tórtinshi oryn da jaman nátıje emes. Búgin ózimdi jaqsy sezindim. Sondyqtan, toptyq jarysta ózimdi jaqsy qyrynan kórsetýge tyrysamyn. Bul jarysqa myqtap kiriskendikten, jaqsy nátıjege qol jetkizemin dep oılaımyn", - dedi Manýele Boaro