"Qazgıdromet" RMK 23 tamyz kúni aýa raıynyń buzylýyna baılanysty birneshe óńirde eskertý jarııalady, dep habarlaıdy Egemen.kz QazAqparatqa silteme jasap.
Atap aıtqanda, Soltústik Qazaqstan oblysynyń keı jerlerinde naızaǵaı, daýyl, burshaq kútiledi. Túnde jáne tańerteń tuman boljanady. Batystan, soltústik-batystan jel soǵady, kúndiz onyń ekpini 15-20 m/s artady.
Qaraǵandy oblysynda túnde keı jerlerinde naızaǵaı boljanady. Túnde jáne tańerteń jekelegen aýmaqtardy tuman basady. Ońtústik-batystan, batystan jel soǵyp, onyń kúshi 15-20 m/s kúsheıedi. Oblystyń ońtústik-batysynda óte joǵary órt qaýpi saqtalady.
Qyzylorda oblysynyń keı jerlerinde naızaǵaı, shańdy daýyl kútiledi. Shyǵystan, soltústik-shyǵystan jel soǵady, jyldamdyǵy 15-20 m/s jetedi. Kúndiz tótenshe órt qaýpi saqtalady.
Túrkistan oblysynyń keı jerlerinde kúndiz ońtústik-batystan soǵatyn jeldiń kúshi 15-20 m/s artady. Keı jerlerde tótenshe órt qaýpi saqtalady.
Shymkent qalasynda kúndiz ońtústik-batystan ekpini 15-20 m/s jeldiń kúsheıýi kútiledi. Qostanaı oblysynyń keı jerlerinde tańerteń jáne kúndiz naızaǵaı, daýyl, burshaq kútiledi.
Soltústik-batystan jel soǵyp, ekpini 15-20 m/s artady. Aqmola oblysynyń keı jerlerinde naızaǵaı, túnde jáne tańerteń tuman boljanady. Soltústik-batystan, batystan jel soǵady, kúndiz kúshi 15-20 m/s quraıdy.