Almatyda áýe patrýlderin polısııa qyzmetkerleri qaladaǵy joldaǵy jaǵdaıdy taldaý, sondaı-aq jol erejelerin buzý aktilerin anyqtaý úshin qoldanady, – dep habarlaıdy Egemen.kz Polisia.kz saıtyna silteme jasap.
– Jaýyngerlik bólimderdiń jeke quramynyń arasynda birden birneshe patrýlder quryldy, olardyń kómegimen biz, eń aldymen, qalada tártipti saqtaımyz. Ázirshe olar úlken keptelisi bar avtokólik joldarynda qyzmet etýde, keıinirek ekinshi retti ýchaskelerge aýystyrylady, bul kólik aǵyndaryn jeńildetýge múmkindik beredi. Keptelister, qozǵalysqa kedergi keltiretin kútpegen jaǵdaılar (buzylý, jol-kólik oqıǵalary jáne t.s.s.) – bul faktorlar drondardyń jumysyn arqyly belgili bolady. Olardy joıý boıynsha jedel sharalar qabyldanady. Sonymen qatar, mańyzdy bir bólshekti atap ótý kerek: dál osy tehnıka qarama-qarsy baǵyttaǵy jolǵa shyǵyp júrýdi jón sanaıtyn, belgilerdi, jol belgilerin, manevr jasaý erejelerin buzatyn, tótenshe jaǵdaı týǵyzatyn jáne t.b.anyqtaıdy. Buzaqylar týraly barynsha kóp aqparat taratady, nátıjesinde jaqyn mańdaǵy patrýldik ekıpaj dereý dabylǵa jaýap berip, qamaýǵa alý sharalaryn qoldanady, – dedi Almaty qalalyq PD Ákimshilik polısııa basqarmasynyń bastyǵy Jandos Muratalıev.Sondaı-aq, spıker ushatyn qurylǵydaǵy sýretterdiń saqtalyp, qajet bolǵan jaǵdaıda quqyq buzýshylyqtyń dáleli bola alatyndyǵyn atap ótti.