AQSh prezıdenti Donald Tramp orman órtterine baılanysty Kalıfornııa shtaty bıligine federaldy kómek kórsetýdi tapsyrdy, dep habarlaıdy Egemen.kz QazAqparatqa silteme jasap.
Kómekke alty adamnyń ómirin qıǵan tabıǵat apatynan qıraǵan úılerdi jóndeýge jáne ýaqytsha baspanaǵa arnalǵan grant, sonymen qatar qıyndyqqa tap bolǵan kásipkerlerdiń jumysyn jolǵa qoıý sharalary engen.
"Tramp Kalıfornııa shtaty aýmaǵynda iri tabıǵat apaty bolǵanyn málimdedi jáne 2020 jyldyń 14 tamyzynda bastalǵan orman órtine qarsy shtattyń jumysyna qosymsha federaldy kómek kórsetýdi tapsyrdy", delingen málimdemede.
Tilsiz jaý shtattaǵy 500-den astam turǵyn úı men basqa da qurylystardy jalmady. 175-ten astam turǵyn úıin tastap ketýge májbúr boldy. Buǵan deıin Amerıkanyń Kalıfornııa shtatynda tabıǵı órt saldarynan bes adam qaza tapqany habarlanǵan bolatyn.
Oǵan qosa Kalıfornııada sońǵy birneshe kún ishinde 11 jaı túsý oqıǵasy tirkelip, saldarynan 367 órt oshaǵy paıda bolǵan.