Oblystyq balalar aýrýhanasyna 13 tamyzda 2005 jyly týǵan jasóspirim mýltısıstemalyq qabyný dıagnozymen túsken. Aýrýhana bas dərigeriniń orynbasary Oryndyq Jubanqyzynyń aıtýynsha, jasóspirimde koronavırýs ınfeksııasy naqtylanǵan, - dep habarlaıdy Egemen.kz.
"Bastapqyda jasóspirimdi ýchaskelik dəriger emdegen. Naýqastyń qyzýy joǵarylap, denesinde bórtpeler, tynys alý jetispeýshiligi, aıaq-qolynyń isinýi paıda boldy. Sol sebepten, Atyraý oblystyq balalar aýrýhanasynyń reanımasııalyq bólimine jatqyzyldy. Respýblıkalyq medısına uıymdarynyń bas mamandarymen birlese keshendi emdeý terapııasy júrgizildi. Sonyń nətıjesinde sońǵy kúnderi naýqastyń jaǵdaıynda oń dınamıka baıqaldy. Tamaqqa təbeti ashylyp, bótekeleri ózdiginen jumys isteı bastady.
Alaıda, Densaýlyq saqtaý mınıstrligi bekitken algortımge səıkes, mundaı dıagnozben aýyrǵan naýqastar ortalyqta emdelýi kerek. Sondyqtan, jasóspirim 21 tamyzda Almaty qalasyndaǵy pedıatrııa jáne balalar hırýrgııasy ǵylymı ortalyǵynyń ınfeksııalyq bólimshesine sanıtarııalyq avıasııamen jetkizildi", - dedi Oryndyq Jubanqyzy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.