Bilim salasy qyzmetkerleriniń oblystyq uıymy jumyr jerdi jaılaǵan jaman tumaý jan alqymnan alǵan kezde qashyqtyqtan oqýǵa bet burǵan oblys mektepterine 50 noýtbýk tabys etti, - dep habarlaıdy Egemen.kz.
Qazirgi ýaqytta tehnıka oblys aýdandaryna taratylýda. Qamqorlyqtan Kókshetaý qalasyndaǵy alty otbasy da tys qalǵan joq. Qanshalyqty qapysyz qamdandyq dese de, ishinara qıyndyqtyń bolýy ábden múmkin. Sondyqtan, janashyrlyq kórsetýge bar yntasymen kirisip jatqan kásipodaq uıymynyń búgingi qareketin ekpin túsirip aıta ketýge bolady. Tehnıkalyq quraldar kópbalaly jáne áleýmettik jaǵynan az qamtylǵan otbasylarǵa qajet. Tipti, pedagogtardyń arasynda zárý bolyp otyrǵandary da bar.
"Bilim salasy qyzmetkerleriniń kásipodaq uıymy kóp balaly pedagogtardy qoldaý maqsatynda jumys isteýde. Olardy qajetti tehnıkamen qamtamasyz etý úshin jańa tehnıkalar satyp alsaq, elýden astam noýtbýk ýaqytsha qoldanylýǵa berildi", – deıdi oblystyq bilim salasy qyzmetkerleri kásipodaq uıymynyń tóraǵasy Beısenbaı Ábdirahmanov.
Jan jadyratar janashyrlyqqa ne jetsin?!
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.