О́simdikter bıologııasy jáne bıotehnologııasy ınstıtýty Molekýlalyq bıologııa zerthanasynyń meńgerýshisi Dılıara Grısenko aǵzada vırýsty anyqtaýdyń mán-jaıy týraly aıtty, dep habarlaıdy Egemen.kz QazAqparatqa silteme jasap.
"Testileýdiń ınfeksııaǵa qatysty sezimtaldyǵy tómen ekendigi týraly kóp aıtyldy. PTR tásili koronavırýs ınfeksııasyn anyqtaýmen qatar, AITV men vırýsty gepatıtti anyqtaý úshin paıdalanylyp keledi. Osy testilerdiń kómegimen naýqastardy esepke qoıý iske asyrylyp, vırýstyq ahýal anyqtalady", dedi ol koronavırýstyń ekinshi tolqynyń júrý múmkindigin talqylaýǵa arnalǵan onlaın jıynda.
Mamannyń aıtýynsha, koronavırýs ınfeksııasy kúdigimen adamdardyń qaı kezeńde keletindigi mańyzdy bolyp otyr.
"Inkýbasııalyq kezeńde vırýsty anyqtaý aıtarlyqtaı qıyn. 5-ten 14 kúnge deıin sozylatyn ınkýbasııalyq kezeńde sımptomdar paıda bolǵansha vırýstyń qarqyndy kóbeıýi bolady. Sımptomdardan keıin besinshi, altynshy kúnde vırýstyq júkteme tómendeı bastaıdy. Pnevmonııa ári vırýsty etıologııasy bar adamdardyń kóbisi ózderinde koronavırýs anyqtalmaǵanyn, alaıda barlyq sımptomdar koronavırýs ınfeksııasyna uqsas ekenin aıtty. О́kinishke qaraı, osy kezeńde vırýstyq júkteme tómendeıdi, sondaı-aq bakterıaldyq belgiler baıqalady. Osy jaǵdaıda anyqtaý qıynǵa túsedi", dedi D. Grısenko.
Onyń sózineshe, vırýsty ınfeksııalarǵa qatysty tekserý kúrdelileý. Sonymen qatar dıgnostıkasy da qıyndaý, sebebi vırýstardyń mýtasııasy óte jyldam júredi.