Jýyrda "Nur Otan" partııasy SQO fılıaly boıynsha praımerızge tirkelýshilermen partııanyń jaqtastar lıgasynyń baqylaýshysy, saıasattanýshy Qazbek Maıgeldınov kezdesip, máslıhatta áıelder men jastar úlesiniń tómendigine óziniń alańdaýshylyǵyn bildirdi, dep habarlaıdy Egemen.kz
Sarapshynyń aıtýyna qaraǵanda partııalyq praımerızdegi basty jańalyqtarynyń biri - áıelder men jastardyń ókiletti organdardaǵy kvotasyn saqtaý bolyp tabylady. Olar tıisinshe 30 jáne 20 paıyz bolýy kerek. Osy talap pen partııa ishindegi irikteý erejeleriniń tıisinshe oryndalýyn baqylaý úshin "Nur Otan" partııasynda jaqtastar lıgasy qurylǵan.
"О́ńirlerde bir úlken másele bar: jyldan jylǵa burynǵy depýtattar máslıhatqa saılanady, al olardy halyq bilmeıdi. Naqty adamdar máselelerdi jańa ıdeıalarmen sheshý úshin, depýtattyq korpýsty jańartý qajet. Qazir respýblıkada 216 máslıhat jumys isteıdi, onda jastardyń úlesi tek 2 paıyz ǵana", Qazbek Maıgeldınov.
Saıasattanýshy búgingi tańda Soltústik Qazaqstan oblystyq máslıhatyndaǵy depýtattardyń ishinde 35 jasqa deıingi birde-bir jas azamattyń joq ekenin aıtty. Sońdaı-aq, osynda áıelder tek 2 paıyzdy ǵana quraıtynyn ol kemistik retinde baǵalaıtynyn aıtty.
"Aldaǵy praımerızda jastar ózekti máselelerdi sheshý úshin, jergilikti ókiletti organdarǵa kirý múmkindigine ıe bolýy kerek. Al qoǵamdyq-saıası ómirge belsendi qatysý úshin áıelder 30 paıyzdyq kvota alýy mańyzdy", dep atap aıtty baqylaýshy.
Alaıda ol máslıhattardyń kásibıligin, bilikti mamandarmen tolyqtyrylýy kerektigin aýyzǵa almady. Tek áıelder men jastardyń úlesi saqtalýyn ǵana qadaǵalap otyr. Osynyń ózi baıaǵy «prosentomanııa» emes pe degen saýal týady.
PETROPAVL