Elimizdiń paralımpıadashylary sportta úlken jetistikter kórsetip qana qoımaı, saıasatta da belsendilik tanytýǵa nıetti, dep habarlaıdy Egemen.kz.
Elimizdegi paralımpıadashylar praımerızge qatysyp jatyr.
Qoǵam qaıratkeri Serik Esmatov Almaty qalasynyń ınfraqurylymyn múgedektigi bar jandar úshin ǵana emes, barlyq jastar úshin damytýǵa nıetti. Úmitkerlerdiń biri Vladımır Erman birneshe jyldan beri qalalyq máslıhattyń depýtaty bolyp jumys jasap keledi. Ol kólikke jáne áleýmettik nysandarǵa erekshe nazar aýdara otyryp, múgedektigi bar azamattardyń múddelerin qorǵaýdy jalǵastyrady.
Shahan Juldasbaev – para júzgish jáne kásipker. Ol pandýstar salyp, ǵımarattardy beıimdeýmen aınalysýdy kózdeıdi. Sondaı-aq, elektrlik tik kótergishter óndirisin iske qosty. Qoǵam qaıratkeri turǵyndardyń qozǵalysy shekteýli topqa qol jetimdi orta qalyptastyrý úshin múddelerin qorǵaıdy.
Eki dúrkin Azıa Para oıyndarynyń chempıony Erjan Sálimgereev para sportty damytyp, jańa deńgeıge shyǵarǵysy keledi. Júzýshi Atyraý oblysynyń áleýmettik ómirine belsendi arasalady. 2019 jyly ol sporttaǵy jáne qoǵam aldyndaǵy jetistikteri úshin "Altyn Adam" syılyǵyn aldy.