Prezıdenttiń Aýǵanstan jónindegi arnaıy ókili – QR SIM Erekshe tapsyrmalar jónindegi Elshisi Talǵat Qalıevtiń AQSh Memlekettik departamentiniń resmı ókilderimen beınekonferensııasy ótti. Bul týraly Syrtqy ister mınıstrliginiń baspasóz qyzmetine Egemen.kz silteme jasaı otyryp habarlaıdy.
Kezdesý barysynda taraptar terrorızm men ekstremızmge qarsy is-qımyl salasyndaǵy ekijaqty jáne kópjaqty yntymaqtastyqtyń jaı-kúıi men perspektıvalaryn talqylady.
Qarýly qaqtyǵys oshaqtarynan oralǵan qazaqstandyq azamattardy áleýmettik ońaltý jáne reıntegrasııalaý máselelerine erekshe nazar aýdaryldy.
Qatysýshylar jumys baılanystaryn odan ári qoldaý týraly kelise otyryp, aǵymdaǵy ózara is-qımyldarǵa qanaǵattyǵyn bildirdi.