О́skemen qalasynyń turǵynynan qalam tektes atys qarýy tárkilendi, dep habarlaıdy Egemen.kz
ShQO polısııa departamenti baspasóz qyzmetiniń málimetinshe, "Quqyqtyq tártip" jedel aldyn alý sharasy barysynda krımınaldyq polısııa basqarmasynyń tártip saqshylary erekshe atys qarýyn tárkiledi.
34 jastaǵy kúdiktiniń páterinde tintý júrgizý kezinde polıseıler qalam tektes qarýdy tapqan.
"Sot-medısınalyq saraptamanyń qorytyndysyna sáıkes, tárkilengen qarý oq atýǵa jaramdy bolyp shyqty", delingen vedomstvo málimetinde. Zańsyz saqtalǵan qarý qoımadan tabyldy.
Budan bólek, polısııa qyzmetkerleri gaz tapanshasy men eki pyshaqty tárkilegen. Atalǵan fakti boıynsha QR Qylmystyq kodeksiniń 287-baby 3-bóligi boıynsha tergeý amaldary júrgizilýde.