«Nur Otan» partııasy oblystyq fılıalynda Aqtóbe oblysy úkimettik emes uıymdarynyń VI konferensııasy ótti. Oǵan memlekettik organdardyń, belsendi úkimettik emes uıymdardyń, etnomádenı birlestikterdiń jetekshileri, kásipodaq uıymdarynyń ókilderi, oblystyq máslıhat depýtattary, bıznes-qurylym ókilderi, ardagerler qatysty.
Azamattyq forým qazirgi tańda memleket pen úkimettik emes uıymdardyń ortaq únqatysý alańy bolyp esepteledi.
«Nur Otan» partııasy oblystyq fılıalynda Aqtóbe oblysy úkimettik emes uıymdarynyń VI konferensııasy ótti. Oǵan memlekettik organdardyń, belsendi úkimettik emes uıymdardyń, etnomádenı birlestikterdiń jetekshileri, kásipodaq uıymdarynyń ókilderi, oblystyq máslıhat depýtattary, bıznes-qurylym ókilderi, ardagerler qatysty.
Azamattyq forým qazirgi tańda memleket pen úkimettik emes uıymdardyń ortaq únqatysý alańy bolyp esepteledi.Oblys boıynsha ádilet departamentinde 355 kommersııalyq emes uıym tirkelgen, olardyń 233-i qoǵamdyq uıymdar, 107-si qoǵamdyq qorlar, 15-i zańdy tulǵalar birlestigi. Onyń ishinde 100-ge jýyǵy belsendi jumys isteıdi.
Ústimizdegi jyly júrgizilgen áleýmettik zertteý jumystarynyń nátıjeleri úkimettik emes uıymdar aınalysatyn máselelerdiń basym kópshiligi áleýmettik sıpatqa ıe ekendigin kórsetti. Oblys turǵyndarynyń 46 paıyzyÚEU-lar qyzmetin paıdalanǵan. Bul óńirdegi azamattyq ınstıtýttar damýynyń jaqsy kórsetkishi bolyp tabylady.
Jergilikti atqarýshy organdar janyndaǵy barlyq keńes berýshi organdar jumysyna úkimettik emes uıymdar belsendi túrde úles qosýda. 2002 jyldan bastap oblys ákimdigi janynda Memlekettik organdardyń jáne qoǵamdyq birlestikterdiń ózara is-qımyly jónindegi keńes jumys isteıdi. Keńes otyrystarynda oblystyń áleýmettik-ekonomıkalyq damýyna qatysty ózekti máseleler qaralyp, quzyrly organdarǵa usynystar beriledi.
2013 jyly memlekettik áleýmettik tapsyrys aıasynda 100-den astam jobany júzege asyrý maqsatynda oblystyq bıýdjetten 163 mıllıon 536 myń teńge, respýblıkalyq bıýdjetten 25 mıllıon 737 myń teńge bólingen.
Konferensııada oblys ákimi Arhımed Muhambetov úkimettik emes uıymdardyń oblystyq VI konferensııasynyń ótkizilý maqsatyna nazar aýdara kelip, táýelsizdiktiń jıyrma eki jyly ishinde olardyń egemen elimizben birge eseıip, búginde azamattyq qoǵamnyń belsendi bóligine aınalǵanyn atap ótti.
Qazaqstannyń azamattyq Alıansynyń prezıdenti Nurlan Erimbetov úkimettik emes uıymdar aldynda turǵan mindetterge keńirek toqtaldy. Al «Aqtóbe oblysy úkimettik emes uıymdarynyń qaýymdastyǵy» zańdy tulǵalar birlestiginiń dırektory Aıgúl Dúısenova jáne basqalar jaryssózge shyǵyp, memlekettik organdar men úkimettik emes uıymdardyń ózara baılanysy, problemalary men perspektıvalary jóninde sóz qozǵady. Konferensııa jumysy barysynda bir top úkimettik emes uıymdar jetekshileri oblys ákiminiń Alǵys hatymen jáne 50 myń teńge aqshalaı syılyǵymen marapattaldy.
Konferensııa qorytyndysy boıynsha ústimizdegi jyldyń qarasha aıynda Astana qalasynda ótetin VI Azamattyq forýmǵa delegattar saılandy.
Satybaldy SÁÝIRBAI,
«Egemen Qazaqstan».
Aqtóbe oblysy.