Din isteri agenttigi tóraǵasynyń mindetin atqarýshy Marat Ázilhanovtyń qatysýymen M. Qozybaev atyndaǵy SQMÝ-de «Din jáne patrıotızm» degen taqyrypta respýblıkalyq ǵylymı-praktıkalyq konferensııa ótti. Onyń jumysyna Astana qalasy, Aqmola, Qaraǵandy, Pavlodar, Qostanaı, Soltústik Qazaqstan oblystarynyń din isteri jónindegi departamentterdiń, ishki saıasat basqarmalarynyń, qoǵamdyq jáne jastar-stýdentter uıymdarynyń, áskerı qurylymdardyń ókilderi qatysyp, ózekti máselelerdi talqylady.
Jıyndy oblys ákiminiń orynbasary Farhad Qýanǵanov ashyp, aımaq basshysy Samat Eskendirovtiń quttyqtaý lebizin jetkizdi.
Din isteri agenttigi tóraǵasynyń mindetin atqarýshy Marat Ázilhanovtyń qatysýymen M. Qozybaev atyndaǵy SQMÝ-de «Din jáne patrıotızm» degen taqyrypta respýblıkalyq ǵylymı-praktıkalyq konferensııa ótti. Onyń jumysyna Astana qalasy, Aqmola, Qaraǵandy, Pavlodar, Qostanaı, Soltústik Qazaqstan oblystarynyń din isteri jónindegi departamentterdiń, ishki saıasat basqarmalarynyń, qoǵamdyq jáne jastar-stýdentter uıymdarynyń, áskerı qurylymdardyń ókilderi qatysyp, ózekti máselelerdi talqylady.Jıyndy oblys ákiminiń orynbasary Farhad Qýanǵanov ashyp, aımaq basshysy Samat Eskendirovtiń quttyqtaý lebizin jetkizdi. Odan keıin sharaǵa qatysýshylardy óńirdegi dinı ahýaldyń jaı-japsarymen tanystyrdy. Búginde aımaqta 160 dinı nysan, 132 dinı birlestik resmı tirkelimge alynǵan. Adamdardyń dinı sezimin qurmetteý, jastardy ımanı qasıetterge baýlý, jat aǵymdardan saqtandyrý, konfessııaaralyq birlik pen túsinistikti nyǵaıtý baǵytynda júıeli ister atqarylyp keledi.
M.Ázilhanov «Din jáne patrıotızm» degen taqyrypta baıandama jasap, óz sózin «Qazaqstan-2050» Strategııasynda belgilengen jańa qazaqstandyq patrıotızm, dástúr men mádenıet, ulttyq salt-ǵuryptar, kópultty qoǵamymyzdaǵy dinı kózqaras, dástúrli emes dinı jáne jalǵan aǵymdar tóńireginde órbitti. Elbasy óz sózderinde babalarymyzdyń ustanǵan adamgershilik, ımanı qasıetterin úlgi etip, jastar qaýymyn qoǵamymyzben esh syıyspaıtyn teris áreketterden árkez saqtandyryp keledi. Búgingideı aqparattyń tasqyndaǵan zamanynda óskeleń urpaqty týra joldan adastyrýdy kózdeıtin, teris áreketterge jeteleıtin ishki, syrtqy jat elementtermen kúresý ońaı sharýa emes. Sondyqtan eldiń dástúrleri men mádenı normalaryna saı keletin dinı saýattylyq pen azamattyq sanany qalyptastyra otyryp kez kelgen radıkalızmmen, ekstremızmmen batyl kúres júrgizý, oǵan qarsy tyǵyz toptasqandyǵymyzdy qoıa bilýimiz kerek. Bizdiń aldymyzda jas býyndy jańa qazaqstandyq patrıotızmge baýlý mindetteri tur. Bul uǵymnyń aıasy keń. Osy oraıda, otandy, eldi, týǵan jerdi súıýdiń, qadirlep-qasterleýdiń mańyzy aıtpasa da túsinikti.
Bilim jáne ǵylym mınıstrliginiń basqarma basshysy Maqsat Májıtov, respýblıka Qarýly Kúshteri Qurlyq áskerleri ıdeologııalyq jumys ortalyǵynyń jetekshisi Evgenıı Frolov, «Qyzyljar» ortalyq meshitiniń naıb-ımamy Rýslan Qaıyrgeldi, Petropavl jáne Býlaev epıskopy Gýrıı óz sózderin salamatty ómir salty, azamattyq ustanym, adamgershilik asyl qundylyqtar, soqyr senimnen qorǵaný sekildi ózekti máselelermen sabaqtastyrdy.
О́mir ESQALI,
«Egemen Qazaqstan».
Soltústik Qazaqstan oblysy.