Túrkistan oblysynyń Saryaǵash aýdanda jergilikti polısııa qyzmetiniń ýchaskelik polısııa ınpektory, polısııa leıtenanty Palhodjaev Berik jol boıynda jalǵyz ózi júrgen 2 jas shamasyndaǵy qyz balany taýyp alǵan, dep habarlaıdy Egemen.kz QazAqparatqa silteme jasap.
Polıseı búldirshinniń ata-anasyn anyqtaý maqsatynda shuǵyl izdestirý jumystaryn júrgizgen. Nátıjesinde balaqaıdyń anasyn taýyp, aman-esen qolyna tapsyrdy.
2 jastaǵy balanyń ata-anasy Túrkistan oblysy polısııa departamentine sheksiz alǵysyn bildirdi. Tekserý barysynda anyqtalǵandaı, anasy úı sharýalarymen aınalysyp júrgen kezinde qaraýsyz qalǵan búldirshin aýladan belgisiz baǵytqa qaraı shyǵyp ketken.
Sonymen qatar, qyzdyń ata-anasyna balalardy qaraýsyz qaldyrýǵa bolmaıtyndyǵy aıtylyp, túsindirý jumystary júrgizildi.