Halyqaralyq dzıýdo federasııasy kúz aılarynda álemdik týr jarystaryn qaıta bastaıtyny týraly habarlady, dep jazady Egemen.kz
Bas bapker Aıdyn Smaǵulov bul málimettiń áli naqty emestigin málimdedi.
"IJF kúzden bastap halyqaralyq týrnırler qaıta bastaǵanyny málimdegen edi. Biraq kúni keshe bizge álemdik federasııadan hat keldi. Eger kúz aılarynda memleketter karantınge baılanysty shekarasyn qaıta jabatyn bolsa, jarys ótpeýi múmkin. Federasııa prezıdenti Marıýs Vızer qol qoıǵan hatta týrnırlerdiń qaıta jandanýy áli sóz júzinde ekeni aıtylǵan. Demek, kúzde úlken sportqa qaıta oralýymyz ekitalaı. Degenmen, bizdiń sportshylar karantın kezinde jattyǵýdy toqtatqan joq. Qyrkúıektiń ortasynda oqý-jattyǵý jıynyna qaıta oralamyz", deıdi bas bapker.