Oblystyq aýyl sharýashylyǵy basqarmasynyń málimetinshe, bul kúnderi óńirde 900 myń gektar astyq alqabynyń 186,6 myń gektary jınalǵan.
Al, jalpy astyqtyń ortasha ónimdiligi óńirde gektaryna 7,3 sentnerdi quraıdy.
- Qazir egin jınaý naýqany kezinde astyq daqyldarynyń eń joǵary ónimdiligi Jelezın, Ertis aýdandarynda gektaryna 8,9 sentnerge jetti. Ortasha oblystyq kórsetkishten tómen ónimidilik Pavlodar, Sharbaqty jáne Ýspen aýdandarynda,-deıdi basqarma basshysy Serik Batyrqoja.
Oblys ákimdigi sharýalar men jergilikti ákimdikterdiń basty mindeti - egin jınaý naýqanyn ońtaıly merzimde aıaqtaý, eginniń saqtalýyn qamtamasyz etýdi baqylaýda.
Aýdandardaǵy shaǵyn sharýashylyqtar da tehnıkamen qamtamasyz etilýde. Buǵan deıin egis naýqany kezinde jekelegen kókónis sharýashylyqtardyń egýge arnalǵan arnaıy tehnıkalary bolmaǵan jaılar kezdesken.
Sondyqtan, óziniń jeke tehnıkalyq bazasy joq nemese ony jalǵa alatyn shaǵyn sharýa qojalyqtarynyń tizimin jasap, qolda bar tehnıkany paıdalaný kestesin jasalýda.
Bıylǵy kúzgi dala jumystaryna óńirde 21,5 myń tonna janarmaı bólingen.
Pavlodar oblysy
Sýretti túsirgen: Valerıı Býgaev