Shahar basshysynyń tóraǵalyǵymen ótken sharaǵa basqarma basshylary, aýdan, qala ákimderi, máslıhat depýtattary, ardagerler, zııaly qaýym jáne qoǵamdyq uıym men BAQ ókilderi qatysty. Jıyndy qala ákimi Murat Áıtenov ashyp, bul Joldaýdyń el damýyna tyń qarqyn beretin jańa baǵdardy usynyp otyrǵanyna toqtaldy.
Murat Áıtenov Joldaýda kórinis tapqan bes baǵytty jáne belgilengen mindetterdi oryndaý úshin naqty sharalardyń júzege asatynyn aıtty.
- Birinshiden, memlekettik basqarý isinde úlken ózgerister kútip tur. О́ńirler arasynda memlekettik qyzmetkerlerdiń sany eń az qala – Shymkent ekenin eskere otyryp, qysqarýdy qıyndyqsyz uıymdastyryp, memlekettik qyzmetkerlerdiń eńbek ónimdiligin arttyrýdy tapsyramyn. Ekinshiden, Prezıdent óńdeý ónerkásibiniń ósimin aldaǵy 5 jylda 1,5 esege arttyrý qajet ekenin atap ótti. Sondyqtan, qaladaǵy Bozaryq qosalqy stansııasynyń qurylys jyl sońyna deıin aıaqtaý qajet. Sebebi qýat kózderiniń tapshylyǵy bıznestiń damýyna qol baılaý bolyp otyr, - degen ákim bes basym baǵytty atap kórsetti.
Odan soń jaryssózge shyqqan qalalyq máslıhattyń depýtaty Tóraıym Sultanova Joldaýda aıtylǵan negizgi basymdyqtardyń biri - kásipkerlikti qoldaý men medısına salasyna qatysty toqtaldy.
Sondaı-aq, minberge shyqqan QR qurmetti jýrnalısi, ardager Baıdýlla Qonysbek tıimdi memlekettik basqarý, atqarýshy organ jumysyn ashyq, ádil júrgizýi boıynsha oıyn bólisti.
Jıyn sońynda Murat Dúısenbekuly «kúsh - birlikte» ekenin atap ótip, aldaǵy ýaqytta Prezıdenttiń tapsyrmasyn sapaly ári nátıjeli atqarýda birlese at salysýǵa shaqyrdy.