Atyraýdaǵy perınataldyq ortalyqta sábıdi óltirý isi boıynsha jańa faktiler sot prosesi kezinde aıtyldy. Sotta kýáger retinde sybaılas jemqorlyqqa qarsy is-qımyl departamentiniń asa mańyzdy ister jónindegi tergeýshisi Asqarbek Ermýkashevtan jaýap alyndy, dep habarlaıdy Egemen.kz.
Sotta Ermuqashev aıtyp ótkendeı, perzenthana qyzmetkerleri balany qalaı óltirýdi aqyldasqan eken.
Joǵarǵy Sottyń normatıvtik qaýlysyna sáıkes, náresteni tońazytqyshqa salyp, onyń dem alýyna kedergi jasaý erekshe qatygezdik ekeni basa aıtyldy.
QR QK 317-baby boıynsha "basqa qylmysty jasyrý maqsatynda" balany tońazytqyshqa salyp qoıdy (medısına qyzmetkeriniń kásibı mindetterin tıisinshe oryndamaýy). Erteń saraptama anyqtalmaýy úshin ony sýǵa nemese tońazytqyshqa salý týraly másele týyndaǵan. Aýdıo jazbanyń mazmunyna súıene otyryp, eger siz sýǵa salsańyz, saraptama balanyń ókpesinde sýdyń bolǵanyn kórsete alady delingen. Sondyqtan olar balany tońazytqyshqa salýǵa sheshim qabyldady. Belgili bir ýaqyt ishinde tiri bala dármensiz kúıde qalyp, oǵan kómek kórsetilmegennen kóz jumdy. Osy dáleldemelerdi eskere otyryp sot sheshim shyǵarýy kerek", - dedi tergeýshi.