Rıo-de-Janeıro federaldy ýnıversıtetiniń (Brazılııa) molekýlalyq vırýsologııa zerthanasy koronavırýspen 152 kún aýyrǵan naýqas týraly habarlady, dep jazady Egemen.kz.
Aty-jónin jasyrýdy durys kórgen áıel Densaýlyq saqtaý salasynda jumys isteıdi. Naýqasta sımptomdar naýryz aıynda paıda bolǵan. О́zinen ınfeksııa anyqtalǵan soń kóp ýaqyt ótpeı, sımptomsyz túrimen de aýyrǵan. Osy ýaqyt aralyǵynda pasıent vırýsty basqa adamdarǵa juqtyrǵan bolýy da yqtımal, deıdi dárigerler.
Aýrýmen kúresý kezinde áıel úıde karantınde boldy. Ol qalpyna kelgennen keıin oǵan jumysqa oralýǵa ruqsat etilgen.
Buǵan deıin Ulybrıtanııanyń 35 jastaǵy turǵyny Fatıma Brıdl koronavırýspen 130 kún emdelgen edi. Ol aýyr asqynýmen qatar, pnevmonııa jáne sepsıspen de aýyrǵan eken.