Oblys ákimi О́mirzaq Shókeev Túrkistan qalasynan 16 shaqyrym qashyqtyqta salynyp jatqan halyqaralyq áýejaıǵa bardy. Jańa áýejaıdyń qurylysyn Túrkııa eliniń "YDA Group" kompanııasy júrgizýde. Nysandy jyl sońyna deıin aıaqtap, qoldanysqa engizý josparlanýda. О́mirzaq Estaıuly qurylys jumystaryn baqylap, áýejaı qurylysyn sapaly ári óz ýaqytynda aıaqtaýdy tapsyrdy. Búgingi tańda áýejaıdyń qurylys-montajdaý jumystarynyń 75 %-y paıyzy aıaqtalǵan, - dep habarlaıdy Egemen.kz oblys ákiminiń baspasóz qyzmetine silteme jasap.
Qurylys alańyna qazirdiń ózinde 673 jumysshy men 147 birlik tehnıka jumyldyrylǵan. Jol reısteri boıynsha birinshi kezekte Túrkistannan Ystambul, Nur-Sultan, Almaty qalalaryna ushaqtar qatynaı̆tyn bolady. Sondaı-aq, Qaraǵandy, Aqtaý, Atyraý, Aqtóbe, Mekkege áýe reısteri bolady dep kútilýde.
О́ńir basshysy oblys ortalyǵynda jańadan boı kótergen "Aqjaıyq" mýzykalyq mektebinde de boldy. Onda oblys ákiminiń orynbasary Sáken Qalqamanov Batys Qazaqstan oblysy tartý etken eki qabatty mýzykalyq mekteptiń 550 orynǵa eseptelgen konsert zaly, konferens zaly, orkestr, hor synybynyń bólmelerimen jáne saz mekteptiń jumysymen tanystyrdy. О́ńir basshysy jas ónerpazdardyń ónerin tamashalady.
Aımaq basshysy, sondaı-aq, "Rixos Turkestan" qonaq úı kesheniniń qurylys barysyn baqylady. Búginde qonaq úıdiń qasbet jáne abattandyrý jumystary, ishki árleý, salqyndatqysh júıesi, ınjenerlik jelilerin ornatý jumystary júrgizilýde. Nysan qurylysyna 340 jumysshy jumyldyrylyp, eki aýysymdy jumys uıymdastyrylǵan.